Që Bojken Lako është prej kohësh në një romancë, këtë e zbuloi publikisht Semi, ish-partnerja e tij e shumëëë viteve. Madje, ajo zgjoi kuriozitetin e njerëzve për ta parë sesi dukej "ajo vajza bjonde, shumë simpatike" siç e përshkroi këngëtarja e ftuar "Zemër Luana".

Pak pas deklaratës së saj, Bojken Lako nuk vonoi të na prezantonte me partneren e tij përmes publikimit të një fotoje në InstaStory.

Bjonde dhe me sy të shkruar, fiks siç Semi e përshkroi, e dashura e kantautorit pozonte e buzëqeshur krah tij. Romanca mes tyre përflitet prej kohësh publikisht duke qenë se jo pak herë janë fotografuar në praninë e njëri-tjetrit.