Skuadra triumfuese e Argjentinës, fituese e Kupës së Botës, u detyrua të përfundonte paradën e saj të fitores në Buenos Aires me një fluturim me helikopter pasi turma prej miliona njerëzish ndaloi autobusin.
Rrugët e kryeqytetit u mbushën nga miliona mbështetës të entuziazmuar për kthimin në shtëpi të Lionel Messi-t dhe skuadrës që fitoi me penallti kundër Francës në Katar. Por udhëtimi i planifikuar u ndal para pikës së tij përfundimtare për çështje sigurie.
Nëpër video në rrjete sociale, dukeshin tifozë që përpiqeshin të shkonin afër futbollistëve duke u ngjitur nga pjesa e pasme e autobusit. Një prej tifozëve u ul në mesin e pasagjerëve në autobus.
Policia duhej të ndante njerëzit për të lejuar autobusin të lëvizte përpara drejt qendrës së qytetit. Por në fund ata nuk mund të shkonin më tej.
Raportohet se 18 persona u lënduan nëpër festime.
Fitorja me penallti e bëri Argjentinën kampione bote për herë të parë që kur Maradona ngriti trofeun në vitin 1986 dhe për herë të tretë në total.
- Urojmë që t’ju dojë dikush aq shumë sa do Messi Kupën e Botës
- Portieri i Argjentinës shpjegon veprimin vulgar me trofeun e tij: Pse e bëri?
- Që nga idhulli e deri te “fiksimi”: 10 fakte mbi Kylian Mbappé që (mbase) nuk i dinit
- Kupa e Botës: Kylian Mbappé, heroi i Francës në finale, reagon pas humbjes
- Messi i veshur me mantelin arab: Njerëzit kanë mendime të ndryshme, por pse?
- Festoi për Kupën e Botës 2022, tifozët kryqëzojnë futbollistin, por pse?
