Festat e fundvitit duken si koha ideale për ta shpenzuar më shumë me familjen, por edhe për t’u kënaqur me ushqimet dhe pijet tuaja të preferuara. Dhe ndonëse nuk ka asgjë të keqe me këtë të fundit, nëse e teproni, mund t’ju duhet të përballeni me efekte të pakëndshme.

"Sindroma e zemrës së pushimeve (holiday heart syndrome) i referohet problemeve të zemrës që ndodhin për shkak të konsumimit të tepërt të ushqimeve të kripura dhe alkoolit”, thotë Merije Chukumerije, specialiste e kardiologjisë.

Shtimi i lartë i kripës dhe alkoolit në dietën tuaj mund të shkaktojë ritme të parregullta të zemrës si fibrilacioni atrial, që është kur zemra juaj rreh anormalisht.

Sindroma e zemrës së pushimeve i referohet gjithashtu një rritje të simptomave të lidhura me zemrën tek njerëzit që e kanë tashmë një sëmundje zemre. Kjo kategori duhet të tregohet akoma më e kujdesshme me ushqimin, edhe gjatë festave.

Por, çfarë e shkakton zhvillimin e sindromës së zemrës së pushimeve tek njerëzit pa sëmundje të zemrës?

Pavarësisht nga fakti se raste të reja të sindromës së zemrës së pushimeve shfaqen vit pas viti, studiuesit ende nuk janë plotësisht të sigurt se si zhvillohet gjendja te njerëzit pa sëmundje të zemrës. Megjithatë, siç u përmend, deri tani dihet se ka dy shkaktarë të mëdhenj për këtë gjendje - alkooli dhe ushqimet e kripura.

Kur bëhet fjalë për alkoolin dhe zemrën, provat janë kontradiktore. Për shembull, vera e kuqe e pasur me antioksidantë duket se ofron përfitime mbrojtëse për zemrën kur konsumohet në moderim. Por gjatë festave, marrja e alkoolit duket se luan një rol kryesor në zhvillimin e sindromës së zemrës së festave.

Sigurisht, edhe ushqimet e skuqura, mishi i kuq dhe ëmbëlsira – ndikojnë të gjitha në zemër në mënyra të ndryshme, nëse nuk konsumohen me moderim.

3 këshilla për ta mbajtur zemrën të shëndetshme gjatë festave të fundvitit

1. Shijoni ëmbëlsirat e festave me moderim

2. Mbani trupin tuaj aktiv dhe në lëvizje, edhe gjatë atyre ditëve apo javëve që do të jeni pushim

3. Monitoroni dhe menaxhoni nivelet tuaja të stresit

Burimi: Well & Good