Heroi i Argjentinës, Emiliano ‘Dibu’ Martínez, pati një reagim jo shumë të hijshëm në momentin kur mori trofeun e "Dorezës së Artë" (Golden Glove), si portieri më i mirë në Kupën e Botës 2022.

Ai është shprehur se ka bërë gjestin vulgar, pasi dëgjoi se turma e Francës po e shante.

"Francezët po brohorisnin 'boo' për të më ulur. Nuk mund ta bëja për arrogancë", është shprehur Martinez për radion La Red.

Megjithatë, nuk është hera e parë që Martínez feston marrjen e një vlerësimi në këtë mënyrë. Siç mund të shihet në foton më poshtë, ai gjithashtu bëri një gjest shumë të ngjashëm pasi mori çmimin e portierit të turneut në vazhdën e fitores së Argjentinës në Copa América 2021.

Martínez, 30 vjeç, i cili ka 26 paraqitje ndërkombëtare, u bë argjentinasi i parë që fitoi "Golden Glove", pasi luajti një rol vendimtar në triumfin e tretë të Argjentinës në Kupën e Botës. 

Burimi: AS, NY Post