E ftuar pak ditë më parë në emisionin "Zemër Luana", Semi Jaupaj i shkoi gjer në fund një sfide shumë interesante, veçanërisht për të. 

Semit iu desh të zbulonte disa sekrete të personazheve të njohur dhe mes tyre ishte emri i Bojken Lakos. Gjejeni çfarë zbuloi këngëtarja?!

Tha se ish-partneri i saj është në një lidhje të re dashurie, "me një vajzë bjonde shumë simpatike."

Deklarata e Semit sigurisht nuk i shpëtoi Bojkenit, i cili e komentoi me të njëjtën përzemërsi sa edhe Semi teksa fliste për romancën e re të tij. I ftuar ditën e sotme tek "Abc-ja e mëngjesit", Bojkeni tha se vijon të ruajë raporte të mira me Semin dhe e vlerëson si njeri.

“Nuk ka ndonjë ndjesi të veçantë. Unë kështu i kam pasur ndjesitë në jetë, i vlerësoj njerëzit për vlerat që kanë. Kjo është diçka që e ndjej. Po ashtu kam edhe mbështetje. Edhe partnerja ime është shumë mendjehapur, e vlerëson, nuk bëhet pengesë."- është shprehur ai.

Semi shpesh herë është shprehur publikisht se Lako ka qenë dashuria e saj e parë, duke shtuar se pavarësisht ndarjes ai është një prej njerëzve më të afërt, mendimin e të cilit e do në vendimet që merr.