@433/ Instagram

Argjentina ngriti sot Kupën e Botës 2022, për t’i dhuruar emocione të papërshkrueshme tifozëve dhe jo vetëm.

Siç e do zakoni, trofeu u ngrit nga futbollistët dhe u mirëprit me brohorima dhe shumë lumturi, gjithsesi, tifozët (veçanërisht ata në internet) kanë shumë rezerva karshi Lautaro Javier Martínez, i cili festoi me ekipin e tij.

Kritikat vijnë si pasojë e performancës së dobët të Lautaro-s, i cili nga shumë njerëz u cilësua si “kryptonite” (elementi që mund të mposhtte Superman) dhe pika e dobët e Argjentinës. Ai humbi tre raste të pastra, të cilat do t'i dhuronin fitoren Argjentinës, pa shkuar në penallti.

"Lautaro duke festuar. Ki pak turp, o burrë", shkroi dikush në Twitter.

Ja dhe një meme, domosdo.

"Luataro Martinez duke festuar fitoren e Kampionatit me shokët e ekipit"

"Lautaro duke festuar sikur nuk humbi 3 raste fantastike, të cilat do ta mbaronin lojën më herët. E kuptoj festën, por prapë..."

"Para se të nisim të festojmë, arrestoni Lautaro-n tani! Është një mashtrues, jo një futbollist".

"Lautaro po feston më shumë se futbollistët e tjerë"

Përpos rasteve që ka humbur, Lautaro ka kaluar një pjesë të madhe të Botërorit në stol, ndaj njerërzve iu duk e padrejtë që të festonte për fitoren e ekipit.

Një tjetër arsye është edhe kjo foto, ku njerëzit thonë se Lautaro i ka prishur momentin “heroit të ndeshjes”, duke u ngjitur më lart se ai dhe duke festuar sikur ka bërë më të mirën.

Shumë komentues kërkuan që Lautaro të hiqet nga fotoja:

Fotoja do të ishte ikonike pa Lautaro-n...

"Lautaro prishi foton më ikonike të dekadës".

"Lautaro mendon se është pjesë e ekipit".

Gjithsesi, Argjentina ia doli të rrëmbejë Kupën e Botës 2022 dhe Messi realizoi ëndrrën e tij më të madhe në karrierën futbollistike.