Para se të vendosni për të marrë një hap tjetër me njeriun që dilni së fundmi, kini parasysh të pyesni mamin. Intuita e saj nuk gënjën! E ëma e Meghan Markle për shembull, e dinte që pas takimit të parë që princ Harry ishte "i duhuri" për vajzën e saj dhe ashtu ndodhi. 

Në dokumentarin e ri të çiftit, e ëma e Markle u pyet nga producentët për herën e parë që vajza i kishte treguar në lidhje me romancën e re në 2016 e largët. 

Doria, kujton bisedën e bërë në telefon me Meghan dhe thotë: "Mami kam filluar të dal me princ Harry-n!" (Mendoni për një çast reagimin e mamit tuaj pas këtyre fjalëve...)

Sigurisht edhe për nënën e Meghan-it erdhi pak surprizë dhe nuk e fshehu entuziazmin, por Meghan i kërkoi që ta mbante sekret sepse lidhja ishte ende e tillë.

"Në fillim ajo më tha ta mbaja sekret sepse askush s'mund ta dinte. Dukeshin shumë të lumtur bashkë. Ai një burrë i gjatë me flokë të kuqerremtë dhe me shumë etikë. Ishte kaq i sjellshëm, e ndjeva që do të ishte ai i duhuri për të."

Ndërkohë në një botë paralele, pallati mbretëror po përgatitet për "më të keqen" pas dy trailer-ave të publikuara ku çifti qartazi shprehej se nuk kishte asnjë mbrojtje nga familja mbretërore dhe se ndaj tyre është luajtur një "lojë e pistë".