Sport

Një mace ndërpret konferencën e ekipit të Brazilit dhe shkakton siklet, të qeshura dhe reagime

Shkruar nga Anabel

8 Dhjetor 2022

Një mace ndërpret konferencën e ekipit të Brazilit dhe
@HaytersTV/ Twitter

Macet kanë botën e tyre dhe ne jetojmë në të.

Rasti dhe videoja e fundit, tregojnë këtë mace, e cila pa e prishur fare terezinë, ngjitet mbi tavolinën ku po fliste futbollisti i ekipit të Brazilit dhe thjesht u parkua atje, duke shijuar shokun që shkaktoi.

Ylli i Brazilit, Vinícius Júnior, në një moment mbeti i çuditur dhe në siklet, ndërkohë që macja i ndërpreu fjalën.

Më i sikletshëm ishte momenti kur anëtari i konferencës thjesht e kap nga gëzofi, e hodhi macen dhe vijoi sikur nuk kishte ndodhur gjë. Sigurisht, ky moment nuk ngeli pa u vënë re në Twitter dhe njerëzit kritikuan veprimin dhe ashpërsinë me të cilën personi u soll kundrejt maces.

“Kjo nuk është mënyra se si e ngre një mace me mirësjellje. Turp!”, shkroi dikush.

“Abuzojnë kafshët. Abuzojnë njerëzit. Individë të neveritshëm”, komentoi një tjetër person. “Ja pse e urrej futbollin. Këta njerëz ta shpifin”.

Pas këtij momenti, futbollisti qeshi me siklet dhe vazhdoi të fliste.

Artikuj të sugjeruar:

 

MOS I HUMBISNI