TV Mania

Statuset e Jerina Lalajt ndezin situatën në ‘Goca & Gra’

Shkruar nga Anabel

8 Dhjetor 2022

Statuset e Jerina Lalajt ndezin situatën në ‘Goca &

Statuset e bashkë-moderatores Jerina Lalaj për jurinë e “Dancing with the stars Albania” ndezën situatën në “Goca & Gra”.

Siç mund ta shihni, në një postim ku shfaqet konkurrentja e DWTS, Julka Gramo, njëkohësisht mikeshë e ngushtë e Lalajt, kjo e fundit shkruan: “Dancing do mbarojë shpejt, po helmit që keni në bark çfarë do i bëni. Një herë të frustruar, gjithmonë të frustruar!!!”

Statuset e Jerina Lalajt ndezin situatën në ‘Goca &

E pyetur nga Armina dhe Fatma se “me kë e ka”, ajo u përgjigj: “Me jurinë, patjetër”. “Ajo që nuk kam kuptuar në këtë ‘Dancing’ është negativiteti ekstrem që është përçuar, ndërkohë që ‘Dancing’ gjithmonë ka qenë një spektakël i bukur dhe një spektakël për të gjithë familjen, [ndërsa] ky ka qenë një ‘Dancing’ i hidhur për të dalë ku?”.

Sipas saj, “çdo koment ka qenë negativ” nga ana e jurisë, të cilët, thotë ajo, “kanë shfrytëzuar pesë minutëshin e lavdisë” dhe “shyqyr që u ka ardhur rasti për t’u shtypur [kokën konkurrentëve] sepse ky është momenti i tyre”.

Jerina nuk sqaron më tej se çfarë nënkupton me deklaratën e saj, duke marrë në konsideratë se Kledi Kadiu është një nga balerinët shqiptarë më të mirënjohur dhe të suksesshëm në Itali; Dalina Buzi njihet si themeluese, producente dhe skenariste e dhjetëra prodhimeve të njohura në fusha si kinematografia, televizioni, media etj; Armand Peza është një personalitet televiziv dhe një sipërmarrës i suksesshëm; Valbona Selimllari ka përvojë në ekran, përfshirë këtu spektakle të ngjashme me “Dancing with the stars”.

Në vijim të diskutimit, Dalina Buzi theksoi se “nuk mund të bësh spektakël dhe t’i japësh vetëm kurajë konkurrentëve, sepse është e rëndësishme të jesh i drejtë me të tjerët, përfshirë edhe ata që kërcejnë shumë mirë”. Ajo vuri në dukje se komentet janë thjesht ndjesi dhe opinione personale dhe nuk kanë qëllim të denigrojnë asnjë konkurrent.

Në një postim të mëvonshëm në Instagram, Buzi publikoi një përmbledhje të të gjitha komenteve të saj për Julka Gramon, që variojnë nga vërejtjet, këshillat për t’u përmirësuar e deri te komplimentet, ku shkruan:

“Kush lexon në këto komente mllef, vrer, helm, frustrim, sulme personale, dëshirë për të poshtëruar e ulur konkurrentët, nevojë për t’u ndjerë të plotfuqishëm apo për të përmbushur mungesa tona, kush lexon pandjeshmëri, mungesë kulture, kush lexon ofendime dhe armiqësi, është tërësisht problem i perceptimit të tyre që kanë për botën dhe për veten. Jo i imi. Unë jam atje për të gjykuar. Hajde pra! Le t’i kthehemi spektaklit.”

 
 
 
 
 
View this post on Instagram
 
 
 
 
 
 
 
 
 
 
 

A post shared by Dalina Buzi (@dalinabuzii)

MOS I HUMBISNI