Federata Serbe e Futbollit u gjobit nga komiteti disiplinor i FIFA-s për incidente që përfshijnë provokime etnike në Kupën e Botës.
Federata Serbe e Futbollit u gjobit me 20,000 franga zvicerane (€20,230) për një pankartë politike të shfaqur në dhomat e zhveshjes përpara se të luante me Brazilin.
Në foto tregohet dhoma e ndërrimit të lojtarëve serbë, të cilët krahas fanellave, kishin vendosur edhe një foto të “hartës” së supozuar të Serbisë, e cila përfshin në territorin e saj edhe Kosovën sovrane.
#SRB dressing room before last night's match with Brazil. A map of Kosovo with the Serbian flag imposed over it with the slogan "Nema Predaje" - 'no surrender'. It comes amid fresh tensions between the two Balkan states. pic.twitter.com/aK7eMw6SEc
— Colin Millar (@Millar_Colin) November 25, 2022
Federata e Futbollit të Kosovës dënoi zyrtarisht te FIFA pankartën, e cila ishte varur mbi dollapët e dy lojtarëve të Serbisë më 24 nëntor.
Përveç Serbisë, FIFA gjobiti edhe Kroacinë për faktin që tifozët kroatë abuzuan verbalisht dhe u tallën me portierin kanadez Milan Borjan, i cili ka lidhje familjare etnike serbe.
