Single Ladies/ Beyonce

Sigurisht, puthjet, takimet, filmat romantikë dhe shumë gjëra të tjera shijohen në çift, por ka edhe disa situata shumë të këndshme që vetëm gocat beqare mund t’i kuptojnë:
 
Udhëton kur të duash

Ti je spontane dhe për më tepër ke marrë leje nga puna, ndaj mund të shkosh ku të duash! Nuk do të ishte kaq e thjeshtë me një të dashur që duhet të dërgojë 40 e-maile dhe të mendojë 200 herë për hotelin më të afërt, apo jo?
 
Mund të bësh shopping lirisht

Domethënë, pa atë ndjenjën e fajit se ai po të pret, apo pa pasur mbi vete një palë sy gjykues që të shohin shtrembër sa herë kontrollon për një pulovër të re.
 
Mund të flirtosh me kë të duash

Kur je single, nuk e ke fare problem të flirtosh me kë të duash dhe të krijosh pa fund shoqëri të reja.
 
Mund të zgjedhësh dhe të shohësh cilin film të duash

Kur do të shohësh komedi, thjesht klikon te komedia dhe kjo vlen për çdo zhanër. Kështu, nuk dëgjon një zë që të thotë: “Aksiiiiion!”.
 
Mund të depilohesh më rrallë

Kur ke një partner do ta ruash atë lëkurën e butë si bebe. Kur je single, s’e vret mendjen fare për qimet e tua.
 
Ndërton shoqëri më të forta

Sepse je e lirë për të dalë me miqtë dhe për të krijuar sa më shumë kujtime.
 
Zbulon më shumë rreth vetes

Sa më shumë kohë të shpenzosh me veten, aq më shumë do ta njohësh atë dhe do të kesh energji të ndjekësh pasionet e tua.
 
Gjumë i ëmbël, i pandërprerë

Jo, nuk ka telefonata apo mesazhe të tipit: “Ku je? Pse nuk më shkruan?” dhe pastaj: “Përgjigju se po më bën merak”.
 
Bëhesh më e pavarur

Sepse e kupton që një burrë është një bonus në jetën tënde, jo një domosdoshmëri.
 
E ke gjithë krevatin për vete

Është shumë e thjeshtë ta mbushësh me arusha anën e tij. Të paktën, arushat nuk gërhasin…

Artikuj të sugjeruar: