Shendeti i Gruas

A duhet të shqetësohem për sekrecionet e bardha gjatë/pas seksit?

Shkruar nga Anabel

3 Dhjetor 2022

A duhet të shqetësohem për sekrecionet e bardha gjatë/pas

Sekrecionet e bardha janë lëngje që dalin nga vagina gjatë dhe pas aktivitetit seksual. Disa prej tyre kanë për qëllim të ndihmojnë marrëdhëniet seksuale. Këto lëngje janë normale. Ato janë zakonisht të tejdukshme deri në ngjyrën e bardhë të qumështit. Në raste të tjera, sekrecionet e bardha shkaktohen nga një infeksion. Le të shohim arsyet e mundshme të çfarë i shkakton ato, gjatë ose pas aktivitetit seksual.

Eksitimi

Eksitimi është një shkak i zakonshëm i sekrecioneve. Normalisht, sekrecionet vaginale janë të tejdukshme ose në ngjyrë qumështi. Ky lëng pastron, mbron dhe lubrifikon vaginën. Kur stimuloheni seksualisht, sekrecionet janë më të dukshme. Për sa kohë që depërtimi nuk është i dhimbshëm, nuk ka asnjë problem.

Ndryshimet e ciklit menstrual

Është mëse normale që shkarkimi vaginal të ndryshojë gjatë gjithë ciklit menstrual. Në fillim dhe në fund, mund të keni sekrecione në teksturë të trashë dhe në ngjyrë të bardhë. Gjatë ovulimit, shkarkimi vaginal është në ngjyrë të tejdukshme, si e bardha e vezës.

Sekrecione të bardha pas marrëdhënies seksuale

Në përgjithësi, sekrecionet e bardha pas marrëdhënies seksuale tregojnë një infeksion.

Kur duhet të shkoni te mjeku? 

Shkoni te mjeku nëse sekrecionet duken dhe mbajnë erë ndryshe nga zakonisht. Nëse ngjyra është e verdhë, jeshile ose gri, keni arsye për t’u shqetësuar. Gjithashtu duhet të kërkoni ndihmë mjekësore nëse keni: dhimbje gjatë aktiviteteve seksuale, urinim me dhimbje, dhimbje barku, dhimbje pelvike, kruarje, djegie, skuqje, plagë etj.

Nëse nuk keni ndonjë nga këto simptoma,sekrecionet vaginale me gjasë janë shumë normale.

Burimi: Healthline

MOS I HUMBISNI