Pas largimit të Ori Nebijajt, e cila pranoi mandatin e deputetes në Partinë Demokratike, disa emra janë përfolur përsa i përket prezantimit të “Për’Puthen”.
Siç mund ta keni lexuar, në një sondazh të “Shqipëria Live”, emrat e vendosur si opsione ishin: Bora Zemani, Nevina Shtylla, Elita Rudi dhe Elona Duro.
Në sondazh, Bora Zemani ka grumbulluar më shumë vota, ndonëse ka pak gjasa të ndodhë rikthimi i saj në “Për’ Puthen”, një kapitull që duket se u mbyll për t’i hapur rrugë prezantimit të “Dancing with the stars”. Ndërkohë, Elita Rudi do të prezantojë emisionin dedikuar “Big Brother VIP Kosova”. Edhe Dojna Mema mund të jetë një opsion, por fakti që ka pak kohë që është bërë nënë, na bën të dyshojmë. Shtojmë gjithashtu që në fund të dhjetorit, Dojnës mund t’i besohet sërish “Big Brother VIP Fan Club”.
Mes Nevina Shtyllës dhe Elona Duros, ne mendojmë që më shumë gjasa ka të jetë kjo e fundit. Pse?
Vërtet Nevina ka qenë dikur prezantuese e "Për'Puthen” (kur ishte rubrikë në "E Diell"), por aktualisht është e angazhuar në “E Diell”. Shtojmë këtu edhe faktin që në një intervistë për “Goca dhe gra”, Olsa Muhameti e injoroi Nevinën kur u pyet: “Olsa Muhameti, në ‘Kepin e tundimeve’, si konkurrente do të tundohej më shumë për të qëndruar me Bora Zemanin apo Nevina Shtyllën?”
“Unë mendoj që ti në jetë merr atë që kërkon, kështu që patjetër me Bora Zemanin,” tha ajo.
Nga ana tjetër, Elona Duro ka qenë jo pak herë opinioniste në "Për'Puthen", madje e ka moderuar disa herë. Pra, prezantimi i programit mund t'i besohet asaj. Në sondazhin e Anabel, diferenca mes saj dhe Nevinës është pothuajse e papërfillshme. Edhe nëpër komente online, ndjekësit e preferojnë Duron.
Kujtojmë se deri tani, nuk ka një vendim zyrtar për prezantuesen e ardhshme.
