Mendoni pak çaste për Qytetin e Dashurisë, për rrugicat me kalldrëm, për mbrëmjet nën tingujt e serenatave dhe atmosferën që të fton të shkosh sërish e sërish. Oh, ç’ndjesi! E dimë, të gjithë e duam Korçën. Më lejoni t’ju them se tashmë, udhëtimet tuaja atje do të marrin tjetër kuptim...
Kur kalon aty afër zemrës së qytetit, fare pranë Katedrales, është e pamundur të mos fërkosh sytë kur sheh Le Fouquet Boutique Hotel, i cili hap zyrtarisht dyert të dielën, më 20 nëntor. Konceptuar si një përvojë ekskluzive luksi, Le Fouquet do të jetë vendi juaj i preferuar për t’u arratisur drejt Korçës.
Kur hyn në ambientet e hotelit, ndihesh sikur mund të jesh kudo, por sërish je në shtëpi. Frymëzuar nga hotelet boutique të Parisit, por pa u larguar shumë nga identiteti i qytetit të Korçës, Le Fouquet ka një koncept modern me tendenca rustike, që krijon një atmosferë komode dhe mikpritëse.
Le Fouquet përcjell një stil me dekor unik dhe detaje të paharrueshme, si një piano 219-vjeçare e marrë në Paris apo mobilje të tjera vintage.
View this post on Instagram
Me 8 dhoma standarde dhe 2 suita të bollshme, Le Fouquet është më shumë se thjesht një dhomë. Dhomat moderne janë arreduar ndryshe nga njëra-tjetra dhe përmbajnë të gjitha lehtësitë dhe shërbimet për një eksperiencë të paharrueshme.
Edhe suitat, mishërimi i elegancës dhe luksit, janë të konceptuara në mënyrë unike për t’ju ofruar një përvojë ndryshe. Një rëndësi i është kushtuar edhe artit; pikturat kanë dekoruar muret e të gjitha dhomave.
Në restorant, ku elementët e drurit, ngjyrat dhe fasadat e xhamit nxjerrin në pah bukurinë natyrore, të apasionuarit pas kulinarisë mund të promovojnë recetat më të mira gourmet.
Le Fouquet e përcjell luksin dhe ekskluzivitetin në cdo detaj, duke filluar nga konsumi i një kafeje në ambientet relaksuese të barit e deri te festat në mbrëmje nën tingujt e muzikës live me serenata korçare.
Si një boutique hotel, Le Fouquet ofron një përvojë intime dhe shërbim të personalizuar nga stafi i trajtuar. Të gjitha shërbimet janë në dispozicion vetëm të vizitorëve të hotelit, kështu që ju do të mund t’i shijoni ditët e pushimit të pashqetësuar nga turmat e njerëzve.
Nëse do të udhëtoni drejt Korçës, sigurohuni që të mos humbisni mundësinë për të vizituar Le Fouquet. Do të habiteni nga ndjesia që përcjell. Çdo moment që do të kaloni atje do t'ju bëjë të doni të riktheheni vazhdimisht.
