Motra e Georgina Rodriguez, Patricia, ka treguar se nuk ka një marrëdhënie të mirë me partneren e Cristiano Ronaldos.

Ajo pohoi se po kalon një periudhë të vështirë financiarisht dhe prej 3 vitesh jeton në banesa në ndryshme, në mënyrë të paligjshme.

"Unë jam e varfër dhe motra ime nuk më ndihmon", tha Patricia për emisionin televiziv Socialite. "Ajo që më dhemb më shumë janë fëmijët e mi, jo unë. Në fund të fundit, unë mjaftohem me një copë bukë, por fëmijë e mi që janë nipërit e saj..."

Patricia vazhdon të shtojë:

"Ndonjëherë kam mjaftueshëm për të ngrënë, ndonjëherë jo. Ndonjëherë kam mjaftueshëm për të paguar qiranë, ndonjëherë jo. Si e motra, nuk e prisja gjithë këtë."

Që prej vdekjes së babait të tyre tre vite më parë, tensioni mes motrave po rritet. Megjithatë, ajo nuk ka hezituar t'i dërgojë një mesazh të dëshpëruar motrës dhe kunatit të saj, Ronaldos.

“Georgina, kam nevojë për ndihmë, ti je motra ime”, shtoi ajo. “E di që ajo nuk ka asnjë detyrim dhe përgjegjësi, por, duke qenë se është mbështetëse dhe kaq e mirë me të tjerët, të paktën të jetë me nipërit dhe mbesat. Nëse nuk do të jesh me mua, ji me nipërit e tu."

Disa njerëz kanë kritikuar Georgina-n për faktin se e ka lënë motrën e saj në këtë gjendje. Të tjerë mendojnë se e motra po përpiqet ta dëmtojë atë publikisht. 

Burimi: Marca