Cristiano Ronaldo dhe gruaja e tij, Georgina sapo kanë hyrë në shtëpinë e tyre të re në Portugali dhe janë në proces e sipër për gjetjen e stafit të punonjësve që do t'i duhet për hapësirat e reja. Futbollisti dhe familja e tij, do të jetojnë në vilën gjigante prej £18milionësh (a.k.a shtëpia më e shtrenjtë në Portugali) që ndodhet në rivierën portugeze, por aq me fat sa ata, duket se do të jenë edhe punonjësit e shtëpisë së re.
Ronaldo thuhet se ka punësuar një staf për rezidencën e re ku secili prej punonjësve do të paguhet 5.490 euro në muaj, të paktën referuar mediave lokale. Shtëpia luksoze ka një kinema, dhomë lojrash, Spa dhe suita të mëdha, dhoma gjumi me pamje mahnitëse nga oqeani si dhe pishina të brendshme dhe të jashtme.
Sipërfaqja e vilës është 2.720 metra katrorë dhe përbëhet nga tri kate. Në proces ndërtimi janë lulishtja dhe një pishinë magjepsëse me një sipërfaqe prej 544 metrash katrorë. Mendohet se punimet do të përfundojnë në verën e vitit 2023-shit.
Ndërkohë, vetëm pak ditë më parë në portale të ndryshme iu dha vëmendje motrës së Georgina Rodriguez e cila u shpreh shumë qartë se ka jetuar pa asnjë ndihmë nga motra milionere.
Ajo tha se për tre vite i është dashur të jetojë pa një shtëpi fikse, teksa sheh sesi Georgina shfaq jetën e saj luksoze krah Ronaldo-s në internet.
Burimi: The Sun
