Edicioni i parë i reality shoë-t të famshëm, Big Brother Vip do të startojë në 5 dhjetor në Klan Kosova. 

Lajmin e bëri të ditur vetë moderatori, Alaudin Hamiti përmes një njoftimi në llogarinë e tij të Instagramit. 

"Veshët na u zgjatën, por ja vlejti. Jam shumë i lumtur që më në fund mund ta konfirmoj datën e nisjes së edicionit të parë të Big Brother Vip Kosova. Pas një periudhe të gjatë pune dhe impenjimi të jashtëzakonshëm të të gjithë stafit, pritjes i erdhi fundi. Shihemi mbrëmjen e 5 dhjetorit në Klan Kosova"- shkruan Hamiti, duke falenderuar kështu edhe bashkëpunëtorët kryesorë që kontribuan në realizimin e këtij formati për herë të parë në Kosovë, siç ishte Artmotion.

Krah Alaudinit do të jetë gjithashtu bashkëmoderatore edhe Jonida Vokshi e ndërsa deri tani opinionisti i parë i zbuluar është emri i Olti Currit.

"Ne këtu i ndajmë idetë së bashku, do të jenë fillimisht 14 konkurrentë që do të marrin pjesë, (të cilët do të shtohen me kalimin e javëve), shtëpia është ndërtuar nga fillimi dhe kemi mbyllur në 70% kastin që do të startojë programin”.- u shpreh Vokshi pak kohë më parë teksa konfirmoi pjesëmarrjen në spektakël. 

Ndonëse nuk dihet ende cilët personazhë të famshëm do të jenë pjesë e shtëpisë VIP, e sigurtë është se ai që do të dalë fitues siguron një shumë goxha të majme.

Banori që del i fundit nga shtëpia do të marrë një çek prej 200,000 euro, shifër kjo dyfish më e lartë se ajo e “Big Brother Vip Albania”.