Grida Duma njoftoi sot se, pas një reflektimi të gjatë, ka hequr dorë zyrtarisht nga mandati i deputetes së Partisë Demokratike. Duket se ajo është gati për një kapitull të ri, këtë herë në televizion.

Burime pranë gazetës “Tema” bëjnë me dije se Grida do të nisë një emision të sajin në Top Channel. Sipas po të njëjtës media, programi do të transmetohet dy herë në javë, të hënën dhe të enjten.

Për momentin, nuk është konfirmuar ky pretendim, por nuk do të ishte çudi. Anabel u përpoq të kontaktonte me Gridën, por nuk kemi marrë ende përgjigje. 

Së fundmi, Duma e ka distancuar gradualisht veten nga tema e politikës dhe si rrallëherë, ka qenë më e pranishme në televizion dhe radio për intervista. Përpos këtij fakti, një nga pikat e forta të saj është padyshim komunikimi, një element i rëndësishëm për një figurë të suksesshme televizive.