Nëse e ke parë kudo si togfjalësh, nuk je personi i vetëm. “Shadow work” është kudo, veçanërisht në TikTok, ndaj edhe ne mendojmë se është çasti të flasim për të.
@zenfulnote How was your experience? The comment section is a safe space, if you would like to share ? #shadowwork #shadowworkprompts #shadowworkjournal #traumahealing #childself #selflove ? je te laisserai des mots - favsoundds
Çfarë është ekzaktësisht?
Është një metodë e zbuluar dhe aplikuar nga Carl Jung, i cili e quajti “shadow” (hije), sepse lidhet me “anën e panjohur të personalitetit” tonë. Pra, “hija” është pjesa e vetes që refuzon ta pranosh, ose e mohon, me apo pa vetëdije. Një shembull konkret
Ta kuptosh që personi që ta nxin jetën është pikërisht…vetja.
Një prej mënyrave më të zakonshme është projektimi i pasigurive të tua tek të tjerët, duke i gjykuar ata.
Si ta bësh “shadow work”?
Një pjesë e madhe e “shadow work” është zotërimi i kësaj pjese që mohon/refuzon. Si mund ta bësh këtë? Përmes meditimit, mbajtjes së një ditari, terapisë, ose kombinimit të të gjithave.
Pse duhet ta bësh?
Sepse kjo pjesë gjykuese e vetes nuk do të heshtë kurrë dhe do të ndërhyjë në shumë situata.
“Shadow work” është pikërisht ai proces në të cilin do të nxjerrësh jashtë vetes (apo do të pranosh) defektet e tua, në mënyrë që të pastrohesh dhe shërohesh.
“Hija” jote nuk është diçka që të turpëron apo që duhet ta urresh, përkundrazi, tregon se është momenti për t’u lidhur me botën tënde të brendshme dhe për t’i falur vetes dashuri.
Si mund ta arrish këtë?
Së pari, njihe “hijen” tënde
Merr një 10-20 minutësh nga dita jote dhe bëj gjithçka që të pëlqen. Qetësohu, rehatohu dhe merr një letër dhe një stilolaps.
Mendo për personin që të mërzit më shumë në këtë botë dhe shëno të gjitha gjërat, sjelljet dhe veprimet që të mërzisin nga ky person. Tregohu sa më i/e sinqertë. Kur të kesh mbaruar, lexoje letrën. Urime! Sapo takove “hijen” tënde!
Duaje “hijen” tënde
Tani, është momenti ta duash “hijen”. Për këtë, të ndihmon shumë meditimi.
Është si çdo proces i zakonshëm meditimi, por në momentin e duhur, duhet të kërkosh që hija jote të shfaqet. Fali asaj dashuri dhe vlerësim. Bëje të ndihet e pranuar, e dashur, e mirëkuptuar.
Shkruaji një letër
Një nga praktikat më të pëlqyera është edhe shkrimi i një letre. Ashtu si dy ushtrimet e para, edhe kjo kërkon kohë vetëm, përqendrim dhe sinqeritet. Relaksohu, merr letrën dhe stilolapsin dhe shkruaj gjithçka që të mërzit, acaron dhe lëndon.
Nuk ka asnjë mënyrë të drejtë dhe të gabuar për ta shkruar këtë letër.
P.S.: Duke qenë se adresa e dërguesit dhe marrësit është e njëjta, mund ta grisësh dhe djegësh letrën. Thjesht, ki kujdes se mos lëndohesh.
Afirmo
E fundit, por jo më pak e rëndësishmja: Përdor afirmimin. Kjo teknikë riprogramon nënvetëdijen me atë që ti do të besosh. Kjo metodë të rikujton fuqinë tënde.
Artikuj të sugjeruar:
