Ukraina kërkon që Rusia të përjashtohet nga samiti i G20-ës

Zëdhënësi i Ministrisë së Jashtme të Ukrainës, Oleh Nikolenko, i ka bërë thirrje grupit të 20 ekonomive më të mëdha në botë që të dëbojnë Rusinë dhe të anulojnë ftesën e presidentit rus, Vladimir Putin, në samitin e G20-s.

Në një postim në Tëitter dje (1 nëntor) ai tha se fakti që Putini e pranoi publikisht se ai urdhëroi sulmet me raketa ndaj civilëve ukrainas dhe infrastrukturës energjetike do të thotë se “duart e tij [janë] të njollosura me gjak” dhe se “ai nuk duhet të lejohet të ulet në tryezë me liderët botërorë.”

Ky samit do të mbahet në Bali të Indonezisë në nëntor, e cila aktualisht udhëheq me presidencën e G20-s. Lideri i Indonezisë, Joko Widodo, tha më 19 gusht se presidenti rus, Vladimir Putin, do të marr pjesë në samit.

Zelensky, shteti i të cilit nuk bën pjesë në grupin e 20 ekonomive më të mëdha në botë, ka thënë se ai do të marrë pjesë në samit, të paktën përmes video-lidhjes.

Studentët e Iranit në grevë: I dalin në mbrojtje protestuesëve

Studentët e universitetit të Teheranit kanë organizuar greva në mbështetje të protestave antiqeveritare në Iran, pavarësisht goditjeve në rritje nga autoritetet.

Videot dhe fotografitë e postuara në internet treguan të rinj dhe të reja të mbledhur në korridore, oborre dhe rrugë në kampuset në Teheran dhe qytete të tjera.

Disa mbanin pankarta që paralajmëronin se nuk do të kishte mësime ndërsa studentët e tjerë të arrestuar gjatë protestës të liroheshin. Aktivistët thonë se 300 janë arrestuar që nga shpërthimi i trazirave gjashtë javë më parë.

Tragjedia ku humbën jetën 156 persona: Policia u njoftua 3 orë para se "diçka nuk shkonte"

156 persona shumica prej të cilëve të rinj në të 20-at, humbën jetën në rrugët e Seulit të shtunën teksa festonin Halloween-in. Autoritet ende nuk kanë një ide se si dhe çfarë e shkaktoi ngjarjen që dukej si një film i frikshëm.

Hetimet paraprake kanë treguar se policia u sinjalizua të paktën më shumë se 3 orë para se kishte diçka që nuk shkonte në Itaeëon, zonën ku ndodhi tragjedia. Një nga personat që kishte mundur të dilte nga turma që kishte filluar të bëhej gjithnjë e më e madhe, telefonoi urgjencën duken i thënë se në zonë kishte shumë njerëz dhe mezi lëvizej.

 “Unë mezi arrita të dal, por është shumë e mbushur me njerëz. Unë mendoj se duhet ta kontrolloni atë”, tha telefonuesi, sipas BBC.

Kjo ishte e para nga të paktën 10 thirrjet në polici në kryeqytetin Seul gjatë tre orëve të ardhshme të shtunën. Sidoqoftë, nga çfarë raportuan banorët  vendas, prania e policisë ishte krejtësisht e pamjaftueshme. Sipas ekspertëve zyrtarët lokalë dhe policia thjesht nuk ishin të përgatitur për turmat që ishin mbledhur dhe u përpoqën t’i menaxhonin ato pasi ishin atje.

Elon Musk thotë se nëse doni një tick blu në Twitter, duhet të paguani

Elon Musk thotë se Twitter-i do t'ju mbajë çdo muaj $8 (£7) nga llogaria juaj nëse doni të keni tick-un blu tipik që del krah emrit. 

Si pjesë e ndryshimeve pas një blerjeje prej 44 miliardë dollarësh (38 miliardë paund) të Twitter-it ai e pa të arsyeshme një lloj fee-je duke sqaruar se "thelbësore për të mposhtur spam-et/mashtrimin".

Shenja tipike blu pranë një emri përdoruesi - zakonisht për figura të profilit të lartë - aktualisht është falas.

Ky veprim mund ta bëjë më të vështirë identifikimin e burimeve të besueshme, thonë kritikët.

Musk, një prej njerëzve më të pasur në botë, shtoi se përdoruesit me pagesë do të kenë përparësi në përgjigjet, kërkimet dhe reklamat.

"Pushteti për njerëzit! Blu për 8 dollarë në muaj", -tha miliarderi në Twitter, duke kritikuar metodën e vjetër të verifikimit.

Burimi: BBC, CNN