Një trend i fundit në TikTok po i inkurajon njerëzit që të përqafojnë grimin që duket sikur kemi qarë, me sytë e përlotur dhe hundën e skuqur.
Në një klip me mbi 500,000 pëlqime dhe miliona shikime, krijuesja Zoe Kim Kenealy ofron një tutorial për “vajzat e paqëndrueshme” për të arritur crying makeup, pra një lloj grimi ku dukemi sikur sapo kemi përfunduar së qari.
“Dua të dukem sikur jam duke qarë gjatë gjithë kohës”, komentoi një person. “Ndihem shumë e bukur pasi qaj”, ka shkruar një tjetër. "Nuk e përcaktoj dot nëse ndikojnë qerpikët e gjatë apo hunda e kuqe.”
Zoe tha për Guardian se u frumëzua nga dy tendencat e grimit të Azisë Lindore: Douyin dhe Ulzzang. Të dy trendet përfshijnë shumë bush, shkëlqim dhe nxjerrin në pah sytë për të krijuar një pamje të pafajshme, fëmijërore.
A është kjo tendencë krejt rastësore? Duke marrë në konsideratë një epokë luftërash globale, krize klimatike dhe pandemie, gjasat janë që jo.
Fredrika Thelandersson, një studiuese e medias dhe komunikimit dhe autore e librit “21st Century Media and Female Mental Health” e cila studion kulturat dhe komunitetet e vajzave në internet, tha për Guardian:
“Në peizazhin aktual, të famshmit dhe markat duan të kenë autenticitet, të duken realë,” tha ajo. “Një mënyrë për ta bërë këtë është të zbuloni një diagnozë ose të zbuloni një traumë. Është fjalë për fjalë fitimprurëse të tregosh një lloj cenueshmërie.”
Sipas saj, simptomat e stresit post-traumatik – si mbyllja në vetvete, ndjenjat e trishtimit, vetmisë etj. – po trajtohen si një formë estetike. “Kjo tregon se njerëzit kanë probleme tani dhe rrjetet sociale janë vendi ku ata mund të gjejnë çfarë nuk mund ta marrin në vend tjetër.”
“Ndoshta duke e shfaqur trishtimin, kupton se njerëz të tjerë ndihen në të njëjtën mënyrë. Ju mund të talleni me këtë, por të jep shpresë në një farë mëyre,” tha Thelandersson.
