Me shumë mundësi, atletet tuaja nuk kushtojnë sa modelet e mëposhtme të cilat do t’i veshin disa kuaj me fat.

Marcus Floyd, një artist nga Kentucky, filloi krijimin e atleteve për kuajt si pjesë e një bashkëpunimi me VisitLex, agjencia publike e turizmit në Lexington, një zonë e njohur për fermat e kuajve dhe pistat e garave. VisitLex kontaktoi Floyd-in përpara Breeder's Cup, një seri garash kalërimi të mbajtura në Lexington më 4 dhe 5 nëntor, raporton CNN.

Floyd, i cili kishte përvojë në dizenjimin dhe modifikimin e këpucëve, ndoqi një program intensiv katër-ditor të quajtur The Shoe Surgeon's SRGN Academy për të mësuar se si hiqen pjesët e atleteve dhe më pas se si rindërtohen.

Krijimi i një palë këpucëve kërkon deri në 17 orë. Ai ble këpucët – si për shembull një palë atlete klasike Air Jordan – dhe më pas i zbërthen ato, duke tërhequr me kujdes secilën pjesë përpara se t’i bashkojë sërish copat.

Po, atletet janë bërë për t’u veshur vërtet nga kuajt. Çmimet fillojnë nga rreth 1,200 dollarë, në varësi të dizajnit. Ato janë aq cute sa do të bindnin këdo për t’i blerë. Ah, po...para së gjithash, na duhet një kalë.