Matthew Perry kërkoi ndjesë për një gabim në librin e tij me kujtime.

Pati shumë reagime në rrjete sociale pas botimit të një fragmenti nga libri i tij i ardhshëm, “Friends, Lovers and the Big Terrible Thing" në të cilin Perry flet për vdekjen e mikut të tij aktorit River Phoenix në 1993 dhe i referohet një aktori tjetër, Keanu Reeves.

"River ishte një njeri i bukur, brenda dhe jashtë - shumë i bukur për këtë botë, iku. Gjithmonë duket se janë djemtë me të vërtetë të talentuar ata që ikin,” ka shkruar Perry. "Pse vdesin mendimtarët origjinalë si River Phoenix dhe Heath Ledger, por Keanu Reeves ende ecën mes nesh?"

Perry më pas kërkoi falje.

“Unë jam në fakt një fans i madh i Keanu Reeves. Thjesht zgjodha një emër të rastësishëm, gabimi im,” tha ai në një deklaratë për People. "Kërkoj falje. Në vend të kësaj duhet të kisha përdorur emrin tim.”