Getty Images

Në një intervistë për “W Magazine”, Lili Reinhart ka thënë se nuk beson se do të jetë e ftuar në Met Gala 2023, pas komenteve që bëri kundrejt Kim Kardashian, kur ylli 42-vjeçar veshi fustanin e Marilyn Monroe.

Ajo foli për kritikën që i bëri Kim dhe u shpreh: “Ishte qejf. Por këtë vit, nuk besoj se do të më ftojnë sërish. Thashë disa gjëra të caktuara për një person të caktuar që mbante veshur një fustan të caktuar”.

E kemi fjalën për fustanin e mbushur me kristale me të cilin Monroe i këndoi presidentit John F. Kennedy “Happy Birthday Mr. President”. Epo, në Met Gala, e veshi Kim.

Asokohe, Kim u shpreh se u detyrua të mbante një dietë ekstreme, në mënyrë që fustani t’i përshtatej. 42-vjeçarja tha: “Më duhej të vishja kostumin e saunës 2 herë në ditë, të vrapoja në pistën e vrapit dhe të ndërprisja konsimimin e sheqerit dhe karbohidrateve, si dhe të haja perimet më të mira dhe proteina”.

Kim gjithashtu tha se për 3 javë humbi plot 7.2 kg dhe pikërisht këtu reagoi Lili.

“Ta pranosh hapur që e ke lënë veten të uritur për hir të Met Gala kur e di shumë mirë që miliona vajza dhe djem të rinj të ndjekin dhe dëgjojnë çdo fjalë tënden”, shkroi Lili në Instagram, duke shtuar se kjo injorancë ishte e neveritshme.

Edhe pse ajo nuk përmendi emër, sigurisht që u kuptua që e kishte për Kim-in e më pas, 26-vjeçarja pranoi se nuk pendohej fare, po fare për deklaratën e dhënë.

Artikuj të sugjeruar: