Pasqyrë moj pasqyrë, cilat do të jenë trendet e ardhshme të bukurisë? A do të përqafojmë një pamje au naturel, pa ndërhyrje të tepruara ku i kushtohet rëndësi harmonisë së tipareve? A do të ndikojë teknologjia në arritjen e rezultateve sa më natyrale? Të gjitha pyetjet tona do të marrin përgjigje në “MOM& Collagenizing”, një event i veçantë në fushën e estetikës kozmetike, i organizuar nga Smart Skin.
Smart Skin, si një kompani që ka sjellë në Shqipëri risitë më revolucionare dhe pajisjet më novatore teknologjike në fushën e kujdesit të lëkurës, i kushton rëndësi të veçantë risive të estetikës kozmetike. “Mom & Collagenizing” do të prezantojë për herë të parë në Shqipëri trajtimet efektive, të afta të depërtojnë deri në nivelin qelizor.
View this post on Instagram
Po çfarë është MOM & Collagenizing?
Termi MOM i referohet mjekësisë estetike, rigjeneruese dhe minimalisht invazive. Gjithmonë e më tepër, ekspertët po ndërthurin procedura që nuk përdorin bisturinë dhe ofrojnë efekte të cilat jo vetëm largojnë nevojën për operacione, por duken këndshëm dhe shumë natyrale.
Collagenizing është trajtimi i parë joinvaziv i aftë për të rinovuar lëkurën tonë duke depërtuar në qelizë. Teknologjia e Collagenizing u bë objekt studimesh që pas çmimit Nobel në Kimi në vitin 2003. Collagenizing, i cili depërton në lëkurë më mirë se lazeri apo ultratingulli, është krijuar për të përmirësuar karakteristikat natyrore të individit.
Të pranishëm në event do të jenë emra të njohur të fushës, përkatësisht Prof. Francesco De Andrea, një ekspert i kirurgjisë plastike dhe President i Shoqatës së Kirurgëve Estetistë Italianë, si edhe Dr. Alessandro Icardi, kirurg i specializuar në stomatologji dhe mjekësi estetike me përvojë 30-vjeçare.
View this post on Instagram
Smart Skin krenohet tashmë jo vetëm me produktet ekskluzive inovatore për ushqyerjen, hidratimin dhe mirëmbajtjen e lëkurës, por përmes këtij eventi shënon një tjetër hap të rëndësishëm që synon të përcjellë tendencat dhe standardet e fundit.
Tani mezi presim të mësojmë tendencat e ardhshme të bukurisë. Rishkruhemi sërish pas eventit. :)
