Getty Images

Zyrtarisht, Adidas ndërpret marrëdhëniet dhe partneritetin me Kanye “Ye” West, pas deklaratave të tij anti-semitike.

Në deklaratën zyrtare, Adidas u shpreh se nuk toleron asnjë lloj gjuhë urrejtjeje dhe i etiketoi komentet e Kanye-s si “të papranueshme, të mbushura me urrejtje dhe të rrezikshme”.

Sipas markës së veshjeve dhe aksesorëve sportivë, Kanye ka “dhunuar vlerat e kompanisë mbi diversitetin, gjithëpërfshirjen, respektin reciprok dhe të drejtën”.

Kjo deklaratë vjen pasi Kanye tha se ai mund të bënte komente kundër hebrenjve dhe se Adidas nuk mund ta ndërpriste marrëdhënien me të. Duket se sfida u mor seriozisht dhe ja ku jemi.

Më parë, edhe Balenciaga apo prestigjozja “Vogue” shkëputi lidhjet me Kanye West.

Ndërkohë, edhe Kim Kardashian ka reaguar kundër komenteve anti-semitike të ish-bashkëshortit, në mbështetje të hebrenjve.

Artikuj të sugjeruar: