Deklaratat e Grida Dumës për jetën personale kanë qenë shumë të rralla, por e ftuar në programin e ri të Top Channel, "S'e Luan Topi", politikania zbuloi një tjetër anë të sajën. 

Gjatë bisedës me moderatoren Erjona Rusi, Duma tregoi për dashurinë e saj të parë, që e ka përjetuar në periudhën e gjimnazit.

“Ka qenë dashuri e shëndetshme… nëse asnjërit nuk i thyhet zemra, nuk është në jetë”, tha deputetja për të vazhduar me humor se me siguri "ka qenë ajo që ia ka thyer zemrën partnerit".

Ndër të tjera Grida u ndal edhe tek raporti i saj me dashurinë dhe burrat, duke sqaruar "ngërçin" që ndodh kur je një grua e fortë në politikë.

“Nuk e di, mendoj që i dukem e largët(burrave). Besoj se shumë gra që janë në pozicionin tim dhe që kanë një posturë të caktuar, sidomos kur merren me politikë dhe kanë këtë veshjen e të fortës… nuk di se ç’ndodh sepse nuk vjen deri tek unë. Vjen një kohë, vjen një moshë ku unë nuk pres t’ia dalë tjetri. Unë mund të zgjedh. Si çdo gjë tjetër në jetë kur ke një eksperiencë të caktuar.

Nuk kam pasur kurrë ndonjë sjellje që pres të më thonë, pres të më vinë pas. Unë njerëzit që i pëlqej, i pëlqej! Jam shumë në kontroll të ngjarjeve të mia”.- u shpreh ajo, duke shtuar se për të, dashuria është e vetmja gjë që s'duhet të të mungojë në jetë.