Listat e këngëve për stërvitje janë të mbushura me këngë me ritme të larta a.k.a "motivuese". Edhe pse kjo duket si një e vërtetë e pranuar nga të gjithë, ideja se këngët motivuese na ndihmojnë të stërvitemi më shumë/më mirë - nuk bazohet në ndonjë provë shkencore.
Në vend të kësaj, të dëgjuarit e muzikës më të ngadaltë është në fakt më efektive.
Fuqia e muzikës
Qindra studime kanë treguar fuqinë e dobishme të dëgjimit të muzikës gjatë ushtrimeve. Hulumtimi i botuar në revistën Psychology of Sport and Exercise zbuloi se muzika çoi në një rritje prej 28% të kënaqësisë, ndërsa një rishikim tjetër zbuloi se ishte një strategji efektive për menaxhimin e dhimbjes dhe lodhjes.
Ka dy mënyra për të dëgjuar muzikë gjatë stërvitjes:
Aplikimi asinkron është kur e vendosni në sfond, por nuk i përshtasni me vetëdije lëvizjet tuaja me ritmin. Kjo mund të veprojë si një shpërqendrim dhe gjatë stërvitjeve të lehta dhe me intensitet të moderuar, mund t'ju ndihmojë të ushtroheni më gjatë përpara se të ndiheni të lodhur.
Aplikimi i sinkronizuar është kur ne përdorim muzikën si puls dhe e përshtasim ritmin tonë në bazë të muzikës.
Por realizimi i saktë i sinkronizimit është më i vështirë sesa mund të tingëllojë. Gjatë një stërvitje intensive, tendenca është të vendosni muzikë me ritëm të shpejtë. Logjika që i themi vetes është se nëse mund të vazhdojmë të lëvizim së bashku me ritmin, stërvitja jonë do të jetë më e mirë.
Megjithatë, studimet nuk e mbështesin këtë.
Muzika shumë e shpejtë e vështirëson shumë ruajtjen e sinkronizimit dhe efektiviteti nuk është njësoj.
Kini parasysh se kur punoni me intensitet shumë të lartë, mund të jetë më mirë të mos dëgjoni asgjë fare.
Burimi: Well & Good
