Ylli i Hollywood-it, Tom Cruise, do të shënojë një tjetër sukses në karrierën e tij pasi ai ka gjasa të jetë aktori që do të luajë në filmin e parë që do të xhirohet në hapësirë.

Thuhet se ai po bashkëpunon me regjisorin Doug Liman për një film që përfshin një xhirim në hapësirë.

"Unë mendoj se Tom Cruise po na çon në hapësirë, ai po e çon botën në hapësirë," tha kryetarja e Universal Filmed Entertainment Group, Donna Langley, për BBC News. “Ky është plani. Ne kemi një projekt të shkëlqyeshëm në zhvillim me Tom-in. Të marrim një raketë në Stacionin Hapësinor dhe të nisemi.”

Langley zbuloi se pjesa më e madhe e filmit do të xhirohet në tokë dhe kulmi do të jetë kur "personazhi [shkon] në hapësirë”.

Cruise do të jetë aktori i parë që xhiron në hapësirën e jashtme në Stacionin Ndërkombëtar të Hapësirës.

Stacioni Hapësinor Ndërkombëtar shërben si shtëpi për ekuipazhe të astronautëve dhe përdoret si laborator hulumtues për mjedisin hapësinor.