Në kulturën e shoqërisë sonë është krijuar një lloj steriotipi që beson se martesa është ai institucion prej të cilit gratë përfitojnë ndërsa burrave i kushton. Prandaj duket sikur janë gjithnjë gratë ato që duan të bëjnë hapin e madh ndërkohë që burrat përpiqen të rrijnë beqarë sa më gjatë të jetë e mundur. Nevoja për të "qenë të lirë sa më gjatë" lidhet me frikën që vjen nga besimi i gabuar se një grua ka fuqinë t'ju heqë lirinë pas martese.
Në fakt, studimet tregojnë të kundërtën! Martesa i shërben më shumë burrave sesa grave. Burrat e martuar janë janë më të shëndetshëm, më të pasur dhe më të lumtur sesa burrat single. Nga ana tjetër, gratë single janë më të lumtura sesa ato të martuarat. Pra përfundimi? Burrat e martuar janë më të kënaqur sesa gratë e martuara kurse gratë single më të lumtura se burrat single.
Nga studimet rezulton se burrat e divorcuar dhe gratë e martuara kanë përqindjen më të lartë të rasteve të vetëvrasjeve. Fiksimi i burrave për të mos qenë nën kontrollin e grave është prova më e fortë e frikës që ata kanë ndaj kontrollit. Ata gjithashtu i frikëson "humbja e kontrollit" ndaj partneres. Përshembull, disa prej tyre janë kundër faktit që partnerja t'i sugjerojë çfarë të veshin, apo t'i kërkojë të mbajë çantat teksa bëjnë pazar. Kjo vetëm për shkak të frikës nga "zhburrërrimi".
Kushtet ekonomike në ndryshim i përkeqësojnë çështjet e martesës. Historikisht, burrat mund ta përballonin shtyrjen e martesës në një moshë të largët pasi tentonin të zgjidhnin një grua që ishte më pak se ata e avantazhuar nga ana ekonomike.
Ndërsa sot, pasuria përqendrohet gjithnjë e më shumë në një grup gjithnjë e më të vogël njerëzish dhe fuqia ekonomike e grave rritet, ka më pak burra që kanë burime financiare mjaftueshëm tërheqëse për t'u dukur tërheqës si bashkëshort potencial në sytë e gruas.
E vërteta është se dy të tretat e divorceve janë nisur nga gratë. Kjo na nxjerr në një tjetër përfundim pasi e bën martesën të duket si institucioni i cili në fakt mban gratë "më të bllokuara" sesa burrat, të cilët i frikësohen kaq shumë.
Burimi: Psychology Today
