Një konvikt kolegji në Spanjë këtë javë qenë kryefjalë për sjelljen e disa prej studentëve të tij.
Një grup djemsh në universitetin Complutense në Madrid, shfaqen duke bërtitur drejt konviktit të vajzave dhe duke i ofenduar ato.
Prokurorët spanjollë po hetojnë klipet dhe universiteti tashmë ka përjashtuar "udhëheqësin" e djemve.
Kryeministri spanjoll Pedro Sánchez kritikoi "sjelljen macho, të pashpjegueshme, të pajustifikuar dhe absolutisht të neveritshme".
Në një video që po qarkullon në Twitter, një student bërtiste: "K*rva, dilni nga vrimat, lepurushe. Ju jeni një tufë k*rvash nimfomane".
Politikanët në të gjithë vendin kanë dënuar menjëherë veprimet e burrave në video.
Kryeministri Sánchez tha: "Ne nuk duhet të japim asnjë justifikim për këto sjellje që me siguri nuk përfaqësojnë ndjenjën e përgjithshme të shoqërisë spanjolle.
"Unë mendoj se është e rëndësishme që të gjitha partitë politike dhe media të shprehin një 'jo' të qartë ndaj këtyre sjelljeve macho dhe të mos bëjnë asnjë hap prapa në barazinë reale midis burrave dhe grave."
Ministrja e Barazisë e Spanjës, Irene Montero, tha se kjo ishte prova më e qartë e nevojës për edukim mbi miratimin seksual.
“Këta të rinj duhet të mësojnë për kulturën e pëlqimit, në mënyrë që ne të ndalojmë përforcimin e kulturës së përdhunimit dhe terrorit seksual që i bën gratë objekte seksuale”.
Ndërkohë, është hapur një hetim për të vendosur nëse incidenti mund të konsiderohet si një krim urrejtjeje.
