Nëse do të pyesnit ekspertët e fluturimeve se cilët janë ditët më të mira për udhëtarët në terma kostosh do t'ju jepnin 3 përgjigje të ndryshme.
#1.
Ditët më të mira për të udhëtuar nëse do të niseshit nga çmimet më të ulta janë e marta dhe e mërkura.
Sepse, e thënë thjesht, sa më e madhe të jetë kërkesa për fluturime brenda një dite aq më shumë ka të ngjarë që të shihni çmime më të larta. Si e tillë, është më mirë të shmangni fluturimet në ditët e ngarkuara të udhëtimit.
Shumë njerëz, nisur nga axhenda e javës, rezervojnë për të udhëtuar të premteve dhe kthehen të shtunën e javës tjetër ose të dielën. Prandaj, nëse ju krijohen kushtet optimale, gjatë të martës dhe të mërkurës do të keni më pak njerëz që udhëtojnë dhe çmime më të ulta.
#2.
Përveç ditës së javës, kushtojini vëmendje periudhës që zgjidhni për të udhëtuar: përshembull pushimet e fundvitit ose pushimet e pranverës mund të ndryshojnë ditët më pak të ngarkuara në të mbingarkuara.
#3.
Dhe ndryshe nga ç'besohet gjerësisht, në fakt nuk ka një ditë apo kohë perfekte për të rezervuar një udhëtim. Dita kur fluturoni ka më shumë ndikim në kosto sesa dita kur blini biletën tuaj.
Sipas ekspertëve ka oferta të mëdha në dispozicion çdo ditë të javës. Kështu që ju nuk duhet të kufizoheni vetëm në kontrollimin e çmimeve të biletave ajrore në një ditë të caktuar.
Gjithsesi, përveçse janë më të lira, të martën dhe të mërkurën janë gjithashtu ditët më të mira për të fluturuar sepse ka më pak njerëz në aeroport. Kjo përkthehet në më pak trafik rreth aeroportit dhe potencial për të udhëtuar në një avion që nuk është plotësisht i mbushur. Përvoja ka më shumë gjasa të jetë e qetë dhe pa peripeci.
Burimi: Huffington Post
