Marrëdhënia me vjehrrit mund të komplikohet fare lehtësisht, aq më tepër nëse përballë keni dy njerëz toksikë. Si ta kuptoni që fatkeqësisht prindërit e tij janë të tillë?

1. Përpiqen që ty dhe partnerit t'ju vënë kundër njëri-tjetrit

Komunikimi me vjehrrit s'është gjëja më e thjeshtë në botë, por raporti me ta nis dhe bëhet problematik kur nisin të ndërhynë në marrëdhënien me partnerin/en. Dashje pa dashje shkaktojnë probleme dhe konfuzion mes çiftit.  

2. E përfshinë veten në vendimarrjet që ju bëni si çift

Janë pikërisht lloji i vjehrrës dhe vjehrrit që ndërhyjnë dhe duan të dinë çdo lloj vendimi që ti dhe bashkëshorti do të merrni. Duan të jenë pjesë e çdo diskutimi, madje dhe kur bëhet fjalë tek financat tuaja apo çështjet e fëmijëve.

3. Të bëjnë qëllimisht të ndihesh keq

Ndodh që në një moment të gjithë mund të tregohemi padashje pa takt dhe të lëndojmë pa e ditur se lënduam. Problemi qëndron kur kjo bëhet qellimisht nga prindërit e tij/saj. Këtë mund ta kaloni vetëm duke kërkuar mbështetjen e partnerit dhe mirëkuptimin e tij. 

4. Nuk respektojnë hapësirën tuaj

Mund t'ju jetë bërë zakon të hyjnë në dhomën tuaj dhe kjo s'është fare normale. Ose të duan të dalin me ju të premteve pasdite kur e dinë shumë mirë që është koha juaj në çift. 

5. Vazhdojnë ju trajtojnë si fëmijë

Ndonjëherë është mirë të trajtohesh si fëmijë, por jo gjithmonë. Je mjaftueshëm e rritur për të marrë vendime për veten dhe familjen tënde të re. Vjehërrit duhet t'i dinë limitet. 

6. Sillen sikur ti nuk ekziston

Një tjetër ekstrem i dëmshëm. Nëse ata sillen ftohtë, nuk të konsiderojnë apo refuzojnë të të shohin apo të kenë komunikim gjëja më e mirë që mund të bëni është të kërkoni mbështetjen e partnerit tuaj.

7. Janë manipulues

Manipulimi emocional mund të shfaqet në shumë mënyra, por secila prej tyre vjen me pasoja dhe kosto. Të qënit egoistë apo gjithmonë të pakënaqur është shenjë e pastër e vjehërrve toksikë.

Burimi: Bustle