Të dashura Peshore, do ta adhuroni pa fund këtë muaj!

Në pjesën më të madhe të kohës do të gjeni mbështetjen e duhur në çdo hap që keni vendosur të bëni, madje lajme dhe surpriza të këndshme ju presin tanimë që Mërkuri u rikthye në pozicion të favorshëm.

Jeta juaj po ecën me një ritëm shumë të shpejtë, ndaj po ndiheni produktivë, të lumtur dhe pozitivë. Frustrimet dhe mërzitë e kaluara tani po ia lënë vendin vetëm gëzimit.

Gjatë këtij muaji, është fiks momenti perfekt që të krijoni një synim të ri në lidhjen tuaj të dashurisë, si dhe qëllime të tjera në karrierë. Mund të keni në plan një biznes të ri, ndaj do të keni disa takime pune. Gjithashtu, lëvizje mund të parashikohen edhe në sferën e shtëpisë, pasi do të kërkoni të investoni në një pasuri të paluajtshme.

Më 9 tetor, një Hënë e plotë ju sjell lavdinë e merituar në sfera si: shtëpia, dashuria dhe karriera. Kjo periudhë vendimtare do t’ju bëjë të ndani një lajm të mirë me personin e zemrës. Duke qenë se është fiks në periudhën e fundjavës, mund ta shfrytëzoni për t’u argëtuar.

Për Peshoret që ende nuk janë në një lidhje, Hëna e plotë përfaqëson një bashkim frytdhënës me një ortak apo profesionist që dëshiron të punojë me ju dhe t’ju ndihmojë për të ecur përpara.

Ndërkohë, Afërdita po udhëton me Diellin, ndaj do të keni bekimin e këtij binomi. Pra, 9 tetori ju gjen me disa planete që kanë një mision të përbashkët: t’ju sjellin më të mirën.

Është shumë e rëndësishme që t’i përdorni dy javët e para të tetorit në favorin tuaj. Marsi, planeti i guximit dhe vendosmërisë, ju mëson si të fitoni dhe kjo ju motivon që të përfitoni nga kjo periudhë.

Më pas, Marsi shkon në prapavijë dhe ju do të zbuloni më shumë rreth karrierës, propozimeve dhe ideve të reja, si dhe do të hasni tek-tuk ndonjë problem me financat. Thjesht kini parasysh që nëse keni plane të mëdha, duhet t’i ndërmerrni përpara 15 tetorit.

Sigurisht, nuk ka si të mungojnë eklipset. Mund të jenë të bezdisshme, por janë të domosdoshme. Ai i 25 tetorit do të bjerë në Akrep dhe kjo do të sjellë ndryshim të papritur për financat tuaja. Këtë muaj, do të hapen dyer të reja, ndaj nëse po kërkoni një punë apo klient të ri, mund të rezultojë me sukses.

Pra, ky muaj sjell arritje të jashtëzakonshme, mjafton që të nisni punën dhe vullnetin që në javën e parë.

Ky muaj mund të rezultojë shumë i rëndësishëm për ju, pasi është vendimtar për periudhën e nëntorit dhe dhjetorit, veçanërisht në aspektin romantik. Gjendeni në një periudhë spektakolare që përfshin jetën tuaj personale, duke nisur që nga flitri dhe romanca, te udhëtimet dhe kreativiteti.

Datat më të rëndësishme do të jenë ato nga 7-15 tetori, përfshirë këtu edhe Hënën e plotë më 9 tetor, e cila mund të sjellë përfundimin e një projekti shumë të rëndësishëm dhe voluminoz. Si rezultat i punës suaj të përsosur, do të merrni shumë komplimente dhe mirënjohje.

Nëse jeni në një pozicion eprori dhe prej kohësh keni kërkuar që të punësoni dikë të ri në skuadrën tuaj, mund ta gjeni brenda periudhës 9-14 tetor. Kandidati do të jetë një vlerë e shtuar në vendin tuaj të punës.

Duket se jeta juaj në punë do të lëvizë me shpejtësi në gjysma e parë të tetorit dhe do të sjellë lajme pozitive. Ka të ngjarë të merrni një kënaqësi speciale me detyrat tuaja, pasi kolegët do t’ju mbështesin pa kushte dhe në mënyrë efektive.

Cilësia e punës dhe performancës suaj do të jetë e lartë dhe do të përkushtoheni seriozisht në përfundimin me sukses të projekteve. Për këtë, ju ndihmon edhe Plutoni, i cili në bashkëpunim me Jupiterin dhe Ujorin ju dhuron një surprizë emocionuese në lidhje me karrierën tuaj.

Në 2 javët e para të tetorit, sugjerojmë që të bëni një pjesë të madhe të punës që ju pret, pasi më vonë do të ndieni veprimet e Marsit, i cili shkon në prapavijë, duke ju ngadalësuar proceset e punës. Në këtë periudhë, klientët mund të hezitojnë që të ndërmarrin angazhime në propozimet tuaja, duke ndikuar në të gjitha qëllimet tuaja.

Më 25 tetor, qielli do të dëshmojë një eklips të ri, i cili ju detyron të bëheni të fortë, me apo pa dëshirën tuaj. Më pas, në nëntor do të ndodhë një tjetër eklips dhe ju do të përqendroheni vetëm te paratë dhe marrëdhëniet me njerëzit më të shtrenjtë të jetës suaj.

Gjatë kësaj periudhe do të mendoni edhe për ndjenjat tuaja dhe për personat që vërtet ju sjellin lumturi. Jeni rritur dhe pjekur, por duhet ta shihni me vëmendje atë që ju shfaqet përpara. Pikërisht për këtë ju ndihmon eklipsi, pasi ju bën të krijoni një imazh më të qartë për veten.

Si Akrep që jeni, ju pëlqejnë gjërat që qëndrojnë “siç janë”, pasi për ju, ndryshimet janë të lodhshme, por mos harroni që ndryshimet janë pjesë e pandarë e jetës dhe shumë shpejt, do t’ju përfshijnë edhe juve, veçanërisht sepse eklipsi diellor po ndodh pikërisht në shenjën tuaj. Një dritare e re po çelet dhe një rrugë plot aventura ju pret, ndaj bëhuni gati të shfletoni një kapitull të ri në jetën tuaj.

Këtë muaj, është koha të mendoni për të përmbushur nevojat tuaja dhe të keni vetëm veten prioritet!