Jada Pinkett Smith, e cila prej 25 vitesh është martuar me Will Smith (edhe pse jetojnë jetë të ndara, por teknikisht, nuk janë divorcuar), është shprehur se reperi i ndjerë, Tupac Shakur, ka qenë shpirti i saj binjak.
“Në shpirt binjak, po”, tha ajo në një intervistë me Rolling Out. “Nëse ekzistojnë jetët e mëparshme, mendoj se Pac dhe unë kemi udhëtuar në disa jetë. E ke parasysh, në forma të ndryshme”.
Jada u pyet nëse është penduar që nuk e ka çuar marrëdhënien e saj me reperin e “All Eyez on Me” në një tjetër nivel dhe tha se thjesht nuk ishte e mundur. “Nuk ka pasur kimi mes nesh. Unë e kam thënë edhe në libër. Është ajo kimia miqësi-dashuri, më beso”, u shpreh aktorja.
Jada, 52 vjeç dhe Shakur u takuan në shkollën e arteve në Maryland, në mes të viteve ’80. Ata ishin miq të afërt, derisa reperi i “Dear Mama” u qëllua për vdekje në shtator të vitit 1996.
Në intervista të mëparshme, Jada ka folur edhe për mënyrën se si është njohur me 2Pac. “Ishte dita e parë, ai erdhi drejt meje dhe u prezantua. Në gjimnaz, Pac kishte paksa një pamje qesharake. Përfundimisht, duke e parë nga pamja e jashtme, nuk ishte fiks tipi me të cilin do merresha. Por, sapo m’u afrua, ishte si magnet. Në momentin që i kushtoje vëmendje, ai të përthithte”, ka thënë ajo.
Një vit pas vdekjes së Shakur, aktorja u martua me Will Smith. Më pas, sollën në jetë dhe dy fëmijë, Jaden, 25 vjeç dhe Willoë, 22 vjeç.
Sa i përket Will, ai e ka pranuar se më parë ishte xheloz për marrëdhënien e gruas së tij me 2Pac-un, por u pendua, pasi kjo e ndaloi të krijonte një raport me reperin e ndjerë.
Artikuj të sugjeruar:
