Kanye nuk ngjan me asnjë dhe sigurisht, prej tij do kemi gjithnjë diçka për të mësuar! Gjatë kësaj jave përshembull, përveçse vendosi foton e ish-vjehrrës si foto profili në Instagram, e çoi modën në tjetër nivel.
I veshur nga koka tek këmbët me lëkurë dhe hoodie, Kanye surprizoi me zgjedhjen e këpucëve. Më saktë- shapkave me gisht që shndërrinin sipër çorapeve të zeza!
Shapkat e Ye mësohet të jenë me gurë diamandi dhe janë nga koleksioni i Burberry-it, pranverë-verë 2023. S'është e nevojshme të thuhet që look-u i zgjedhur u shoqërua me komente online...
"Kanye, të dua shumë, por çorapet me shapka...kurrë."- shkruan dikush e ndërsa një tjetër mendon ndryshe.
"Bravo Kanye! Të lutem ktheji në modë sandalet me çorape që të mos më kritikojnë më kur i vesh unë."
Reperi e di shumë ç'bën dhe ditë pas dite vërteton se është një hap para tokësorëve të tjerë, prandaj studiojeni mirë këtë kombinim. Mund të jetë trendi i radhës!
Burimi: CNN
