Me siguri keni dëgjuar që vitin që kaloi, Scarlett Johansson dhe Colin Jost u bënë prindër të një bebushi. Djali i parë i çiftit u pagëzua me emrin Cosmo dhe ndodhi që kushdo që e dëgjonte pyeste i habitur se nga e morën prindërit frymëzimin për një zgjedhje të tillë.
Një vit më vonë, aktorja tregon se emri unik s'ishte dhe aq vendim i vështirë për t'u marrë, përkundrazi.
"E di si e kemi vendosur? Bashkuam disa gërma dhe kaq. Na u duk shumë emër sharmant dhe miqtë tanë e pëlqyen." - u shpreh Scarlett e ftuar në "The Kelly Clarkson Show".
Cosmo është fëmija i dytë i aktores, pas vajzës 8-vjeçare Rose, nga martesa me ish-partnerin, Romain Dauriac. Në fakt, rezultoi se emrat e të dy fëmijëve në thelb kanë po të njëjtin kuptim!
"Cosmo është një lloj luleje e vogël që vjen në nuanca të ndryshme të portokallisë dhe të verdhës. Prandaj vajza ime e pëlqeu shumë që në fillim."- vazhdoi ajo duke zbuluar se e vetmja që e kishte të vështirë ta pranonte emrin ishte vjehrra.
Pavarësisht tentativave të gjyshes për t'i mbushur mendjen prindërve të mos e quajn të voglin Cosmo, nuk ja doli sepse bashkimi i gërmave thjesht rezultoi *interesant*.
