Armina Mevlani dhe Shkëlzen Berisha kurorëzuan lidhjen e tyre në martesë në një ceremoni të mbajtur në një agroturizëm në Shijak, mes personazheve nga bota e artit, kulturës, televizionit dhe politikës. Shihni në vijim disa nga momentet më kulminante të dasmës.

Vallëzimi i çiftit

Armina dhe Shkëlzeni bënë kërcimin e parë nën tingujt e këngës ikonike të Christina Aguilera “Hoy tengo ganas de ti”.

Fjalimi i prindërve

“Arben dhe Mimoza, të dashur Armina dhe Shkëlzen, në dasma nuk duhen fjalime, ndaj dua të them vetëm dy fjalë. Nga zemra uroj Arminën dhe Shkëlzenin që kurorëzojnë dashurinë e tyre disa vjeçare sonte në këtë ceremoni, me miqtë dhe të afërmit e tyre,” tha ish-kryeministri Sali Berisha. “Merita më e madhe e Shkëlzenit është se arriti të pushtojë zemrën e Arminës,” tha Berisha.

Gazetari Arben Mevlani, babi i Arminës, u shpreh me humor: “Që do bëja një krushk e dija, po se do më bënte Armina krushk me Sali Berishën, këtë s’e dija.”

Fustanet

Armina u shfaq në dasmë me një fustan të dizajneres angleze Vivienne Westwood.

Foto: Armand Sallabanda

Më pas veshi dy krijime shqiptare nga Festim Isufi dhe Valdrin Sahiti.

Foto: Orsola Mema

Flori Mumajesi zbuloi “sekretin” e Shkëlzenit

Flori Mumajesi zbuloi se Shkëlzeni i thërret me përkëdheli Arminës “topoxhixho”. Mumajesi më pas këndoi "Me fjalë të vogla".

Vallja e Tropojës

Nuk kishte si të mungonte në dasmë vallja e Tropojës. Blogerja hoqi fustanin e nusërisë dhe veshi kostumin popullor të zonës së Tropojës.

Dasma u mbyll me fishekzjarre

Të tjera foto