Pushteti

U filmua duke kënduar para funeralit të Mbretëreshës: Njerëzit kritikojnë kryeministrin kanadez!

Shkruar nga Anabel

20 Shtator 2022

U filmua duke kënduar para funeralit të Mbretëreshës:
Photo Credits: @lisapow/ Twitter

Kryeministri kanadez Justin Trudeau ka lëshuar një deklaratë pasi u filmua duke kënduar këngën e Queen, “Bohemian Rhapsody” vetëm disa ditë para se të merrte pjesë në funeralin e Mbretëreshës Elizabeth II.

Udhëheqësi botëror kishte marrë disa kritika, pa dyshim mjaft të çuditshme, për veprimet e tij, të cilat u zhvilluan në një bar hoteli në Londër. Në fakt, ai tani është detyruar të përgjigjet përmes një zëdhënësi.

Një deklaratë shpjegoi:

"Pas darkës të shtunën, kryeministri iu bashkua një grupimi të vogël me anëtarët e delegacionit kanadez, të cilët janë mbledhur për të nderuar jetën dhe shërbimin e Madhërisë së Saj.

Gregory Charles, një muzikant i njohur nga Quebec dhe marrësi i Urdhrit të Kanadasë, luajti piano në hollin e hotelit, dhe disa anëtarë të delegacionit, përfshirë kryeministrin, iu bashkuan."

Deklarata shtoi se Trudeau kishte marrë pjesë në aktivitete të ndryshme për të nderuar Mbretëreshën.

U filmua duke kënduar para funeralit të Mbretëreshës:
Photo Credits: The Candadian Press

Pas shfaqjes së videos, disa kanë pohuar se sjellja e kreut kanadez ishte në një farë mënyre mungesë respekti për Mbretëreshën.

Të tjerë kanë thënë se ai thjesht po argëtohej pak.

Një komentues e cilësoi “të turpshme”.

“Ai është kryeministri, në një vend publik, në prag të funeralit të Mbretëreshës. Dhe kështu sillet?"

Dikush tha:

“Mendoj se më shumë sesa mungesë respekti për Mbretëreshën, me aq sa dëgjova ishte më shumë një mungesë respekti për [grupin] Queen”.

Burimi: Unilad

MOS I HUMBISNI