Ceremonia e lamtumirës së mbretëreshës Elizabeth përfundoi, por e sigurtë është se organizimi, madhështia dhe perfeksioni në detaje në nderim të saj do të mbahen mend për shumë gjatë. E nisur që prej orëve të para të 19 shtatorit me ceremonitë e ndryshme shtetërore e deri në mbrëmje ku mbretëresha e preh e qetë pranë princit Philip dhe prindërve të saj, e gjithë bota i kishte sytë nga Londra.

Për ju që humbët momentet më kulmore, hidhini një sy fotove në vijim- të shkrepura në kohën dhe vendin e duhur! 

Rrugët përreth Westminster ishin plot e përplot me njerëz që përpiqeshin të kapnin diçka prej kortezhit që nisi nga Westminster Hall drejt kishës, ku u mbajt edhe ceremonia e funeralit. 

Thuajse 2000 të ftuar ishin brenda kishës, të pranishëm për ceremoninë përfshi këtu pjestarë të familjes mbretërore dhe me dhjetra lider e politikanë nga i gjithë globi.

Ndërkohë që rrugët e Westminster ishin të mbushura, në pjesët e tjera të Londrës mbizotëronte heshtja. Qytetarët qëndronin para TV për të mos humbur asnjë çast nga eventi historik. 

Big Ben-i ndryshoi intervalin e tij për plot 1 minutë, teksa kortezhi ecte ngadalë nëpër rrugët e kryeqytetit. Përshëndetje me armë pati gjithashtu çdo minutë nga Hyde Park.

Photo Credits:  Getty Images, Reuters, PA dhe Ministry of Defence.

Burimi: BBC