Ndërsa funerali i Mbretëreshës transmetohej drejtpërdrejt në televizione, njerëzit kishin një pyetje: Pse princ Harry është ulur në rreshtin e dytë?
Princi iu bashkua pjesës tjetër të familjes mbretërore në funeralin shtetëror në Westminster Abbey sot (19 shtator), së bashku me qindra krerë shtetesh dhe personalitete të huaja që udhëtuan në Londër për t'i bërë nderimet e tyre monarkes më jetëgjatë në historinë britanike.
Funerali është transmetuar drejtpërdrejt për publikun, madje disa shkuan në kinema për të parë eventin, por shikuesit u tronditën kur panë nipin e Mbretëreshës në rreshtin e dytë në Abbey.
"Pse është Princi Harry në rreshtin e dytë? Një tjetër vendim i keq nga familja mbretërore dhe me të vërtetë mosrespektim ndaj madhërisë së saj mbretëreshës që e adhuronte nipin. Ku është 'uniteti' këtu?" ka shkruar një përdorues në Twitter.
Një tjetër komentoi:
"Pjesë e jashtëzakonshme teatri, kjo. Ende po përpiqemi të kuptojmë pse princ Harry është në rreshtin e dytë, ndërsa një ish-lojtar i regbisë ulet përpara."
Dikush tha:
"Për t'u theksuar se Zara Tindall dhe Peter Phillips, të cilët nuk punojnë për anëtarët mbretërorë, janë në stolin e përparmë, ndërsa djali i Mbretit, #PrinceHarry, është në të dytin."
Princi Harry hoqi dorë nga detyrat mbretërore kur u transferua në SHBA me gruan e tij, Meghan Markle, gjë që është edhe arsyeja pse ai u pa me një kostum në funeral dhe jo me uniformën e tij ushtarake.
Ai shoqërohej në rreshtin e dytë nga Markle, si dhe kushërinjtë e tij, princesha Beatrice dhe princesha Eugenie. Harry ishte ulur pas babait të tij, mbretit Charles III, dhe një rresht larg vëllait të tij, Princit William.
Në rreshtin e parë të Abbey ndodhej mbreti, mbretëreshë Camilla, princeshë Anne, bashkëshorti i saj Sir Timothy Laurence, princ Andrew, princ Eduard dhe gruaja e tij Kontesha e Wessex, Sophie.
Duke iu bashkuar princit William në të gjithë rreshtin ishin Kate Middleton, princesha e Uellsit, princi George dhe princesha Charlotte.
Joe Biden ishte ulur shumë më larg në Abbey, në rreshtin e 14-të. Udhëheqës të tjerë të pranishëm në funeral përfshinin kryeministrin australian Anthony Albanese, kryeministren e Zelandës së Re Jacinda Ardern, kryeministrin kanadez Justin Trudeau, presidentin francez Emmanuel Macron dhe presidenten e Komisionit Europian Ursula von der Leyen.
Burimi: Unilad
