Getty Images

Një turmë e madhe priti me orë të tëra për të parë arkivolin e mbretëreshës së ndjerë, Elizabeth II dhe mes mijëra njerëzve, qëndroi në pritje për mbi 13 orë David Beckham.

47-vjeçari dukej shumë i prekur dhe duke parë arkivolin e mbretëreshës, shpërtheu në lot. 

"Mendova se duke ardhur në orën 2, do të ishte pak më qetësi, por u gabova", u shpreh Beckham. "Të gjithë këtë mendim kanë pasur. Por të gjithë janë këtu, njerëz të çdo moshe...të gjithë duan të jenë këtu, për të përjetuar këtë përvojë, për të nderuar Shkëlqesinë e saj për gjithçka ka bërë për ne", vijoi ai.

Gjithashtu, David tregoi edhe pse për të dhe familjen ishte kaq e rëndësishme të ishte prezent në një moment të tillë. 

Getty Images

"Unë jam rritur në një ambient mbretëror. Gjyshërit e mi do të donin që unë të isha sot këtu. Ndaj, ja ku jam në emrin e tyre dhe të familjes sime", u shpreh ish-futbollisti.

Ndërkohë, të pranishmit thanë se David priti në radhë si të gjithë për të shprehur respektin e tij ndaj mbretëreshës. Fillimisht, askush nuk e vuri re, pasi ai veproi si të gjithë të tjerët. 

Ishte shumë i sjellshëm dhe miqësor me ata që e rrethonin dhe shumë njerëz, pasi e kuptuan kush ishte, rendën drejt tij për të bërë foto. Ata shtuan edhe se Beckham u bleu njerëzve petulla, që t'u ngrinte humorin.

"Ishte një burrë kaq i dashur dhe gentleman", tha një burim për "ET".

Beckham e ka takuar disa herë mbretëreshën dhe kujtoi trashëgiminë e saj, duke thënë se kjo periudhë është mjaft e vështirë për kombin. "Mendimet tona janë me familjen (mbretërore) dhe me të gjithë njerëzit që janë këtu sot", përfundoi ai.

Artikuj të sugjeruar: