Funerali i Mbretëreshës të hënën do të jetë një nga tubimet më të mëdha të familjes mbretërore dhe politikanëve të organizuar në Mbretërinë e Bashkuar për dekada.
Ftesat u bënë gjatë fundjavës, me rreth 500 krerë shtetesh dhe personalitete të huaja që pritet të marrin pjesë.
Pjesës më të madhe të liderëve u është kërkuar të mbërrijnë me fluturime komerciale dhe u është thënë se do të transportohen masivisht me autobus nga një zonë në perëndim të Londrës.
Ceremonia në Westminster Abbey ka një kapacitet për rreth 2200 njerëz.
Kush NUK do të jetë i pranishëm në funeral?
Përfaqësues nga Siria, Venezuela dhe Afganistani nuk janë ftuar, kanë thënë burime të qeverisë së Mbretërisë së Bashkuar për James Landale nga BBC.
Kjo pasi Britania e Madhe nuk ka marrëdhënie të plota diplomatike me këto vende.
Dhe Koreja e Veriut dhe Nikaragua janë ftuar të dërgojnë vetëm ambasadorë, jo krerët e shteteve.
Askush nga Rusia, Bjellorusia dhe Myanmar nuk është ftuar.
Marrëdhëniet diplomatike midis Mbretërisë së Bashkuar dhe Rusisë janë shembur që nga pushtimi rus i Ukrainës dhe një zëdhënës i presidentit rus Vladimir Putin tha se ai "nuk po e konsideronte" pjesëmarrjen në funeralin.
Mbretëria e Bashkuar gjithashtu ka zvogëluar ndjeshëm praninë e saj diplomatike në Myanmar që nga një grusht shteti ushtarak në vend, në shkurt 2021.
Artikuj të rekomanduar:
- Ky burrë pretendon se është djali i mbretit Charles dhe Camilla-s (dhe është gati ta vërtetojë)
- Fjalimi i lamtumirës së princ Harry-it për mbretëreshën: 'Gjyshe, të jam përjetësisht mirënjohës'
- Tensione në pallat: Charles i tha në mënyrë të prerë Harry-t të mos e merrte me vete Meghan
- Mbretëresha Elizabeth shkroi një letër, e cila s’mund të hapet deri në vitin 2085
- Momenti i mbretit Charles në ‘ditën e parë të punës’ bëhet viral
- Jo vetëm në Mbretërinë e Bashkuar: Charles III është mbret edhe në këto shtete
