Regjisori, skenaristi dhe kritiku i filmave francezë, Jean-Luc Godard është ndarë nga jeta sot, në moshën 91-vjeçare. Lajmin se një nga figurat më të shquara që bëri revolucion me kinemanë ka ndërruar jetë, e konfirmuan mediat franceze.
Regjisori franko-zvicerian përmes mjeshtërisë dhe shpirtit artistik ja doli të revolucionarizonte kinemanë në fund të viteve 1950-të dhe gjatë viteve '60-të.
I njohur për stilin e tij të veçantë në çdo film si dhe për shfaqjen e radikalizmit në dialogjet apo subjektet që trajtonte, Godard u kthye në një gjeni duke lënë gjurmë të jashtëzakonshme në botën e kinemasë.
"Ne kemi humbur sot një pasur ndërkombëtare, kemi humbur sytë e një gjeniu. Ai ishte mjeshtri i kinemasë". - u shpreh presidenti francez, Emmanuel Macron.
Le Mépris, Bande à Part, Alphaville, Le Petit Soldat, A Woman Is a Woman, La Chinoise, Breathless, Vivre sa Vie, Cleo from 5 to 7, etj ishin vetëm disa nga perlat e tij që edhe sot, pas kaq shumë vitesh shihen nga publiku me po të njëjtën kureshtje si herën e parë.
Godard e nisi si kritik filmi para se të fshihej pas kamerës dhe të bënte çfarë do të bënte gjatë gjithë jetës së tij. Yjet në filmin e tij të parë "Breathless": Jean Seberg and Jean-Paul Belmondo ishin glamorozë, me stil dhe luanin në një mënyrë kaq natyrale ndërkohë që kishin një kamer që lëvizte gjatë gjithë kohës bashkë me ta.
Një nga muzat e regjisorit do të ishte Anna Karina, e cila më vonë do të bëhej edhe gruaja e tij. Në 1965, Anna Karina dhe Godard u divorcuan: projekti i tyre i fundit ishte filmi "Made in USA".
Gjatë gjithë jetës së tij ai ka qenë fitues i shumë çmimeve prestigjioze për kontributin e dhënë në ekranin e madh, si: "Golden Lion", "Cannes Jury Prize", "Honorary Cesar", "Honorary Palme d'Or", "Golden Bear" e shumë të tjera.
Burimi: The Guardian
