Bëni gati #captions-at për postimet e radhës në Instagram sepse photo dump-et që ju presin janë *bombë*. Apple prezantoi iPhone 14 me gjithë versionet e saj dhe cilësia e kamerës është shumë herë më e mirë nga ç'keni parë deri tani. Në 7 shtator, Apple publikoi se iPhone 14 vjen në disa versione: iPhone 14 Plus, iPhone 14 Pro dhe iPhone 14 Pro Max. Të gjitha me nga një specifikë të veçantë në teknologjinë e kamerave.
"Specialiteti" i iPhone-it të ri janë fotot në errësirë, prandaj bëni gati pozat! Modeli i ri do të funksionojë përmes iOS 16 dhe për ata të apasionuarit pas fotografive është i duhuri. Kamerat e përditësuara mund të fotografojnë perfekt çdo detaj edhe nëse ndodheni në dritën më të keqe të mundshme. Fotot në lëvizje janë gjithashtu një opsion i shtuar!
Kamera kryesore vjen me sensorë më të mëdhenj që do të thotë se selfie-et tani e tutje do të jenë shumë më të detajuara, ndërsa kamera pas do të mund të fotografojë edhe më shumë nga sfondi.
Edhe blici do të jetë 10% më i ndriçuar që do të thotë-- foto perfekte kur dilni në errësirë! Përsa i përket videove, iPhone 14 do t'ju japë mundësinë të tregoni gjithë artistin brenda jush. Apple prezantoi opsionin "Action mode" që lejon ta bëni videon shumë herë më të qartë dhe të palëvizshme. Pra shanset për të bërë kryevepra në TikTok dhe Instagram janë shtuar.
Përsa i përket fotove selfie në grup kamerat e reja ofrojnë fokusim për të gjithë që do të thotë- nuk ka hatërmbetje sepse të gjithë do të jenë YJE në foto!
iPhone 14 Pro dhe iPhone 14 Pro Max do të jenë gati në Malajzi, Turqi dhe 20 vende të tjera duke nisur nga e premtja e 23 shtatorit.
Burimi: Bustle
