Marredhenie

10 shenja që tregojnë se jeni romantikë të pashpresë

Shkruar nga Anabel

17 Gusht 2022

10 shenja që tregojnë se jeni romantikë të pashpresë

Që prej faktit që ndieni çdo këngë dashurie, apo qani me filmat romantikë e deri te fjalia “do të bëja gjithçka për dashurinë”, këto 10 shenja tregojnë se jeni romantikë të pashpresë:

Jeni të fiksuar me romancën

Nuk jetoni dot pa filmat apo librat romantikë? Nëse ky është rasti dhe jo pak herë keni rënë në dashuri me një personazh të trilluar, atëherë, me shumë dashuri ju themi se jeni romantikë!

Besoni në dashuri me shikim të parë

E besoni dhe e keni përjetuar dashurinë me shikim të parë, gjithashtu ndieni një lidhje shumë të fortë dhe të vërtetë me personin që ka fatin e madh të jetë në zemrën tuaj. Kjo është një ndër shenjat që tregon se po, ju jeni romantikë të pashpresë dhe kjo ju bën kaq specialë.

Fjalia “ky/kjo është i duhuri” është e zakonshme

Personat romantikë zgjedhin që ta romantizojnë të dashurin/ën.

Jepni më shumë se sa merrni

Një ndër sinjalet më të rëndësishme që tregon se jeni romantikë të pashpresë është se gjithnjë e gjeni veten duke dhënë dashuri, përkujdesje dhe empati, ndërkohë që jo gjithmonë e merrni mbrapsht këtë.

Jeni optimistë

Optimizmi dhe fakti që e shihni gotën gjysmë plot është ndër cilësitë më të mira që keni.

Injoroni flamujt e kuq

Ju prireni të injoroni flamujt e kuq te njerëzit, sepse i shihni ata me lupën e dashurisë dhe dashamirësisë.

Jeni etiketuar si “të ndjeshëm”

Nuk është epiteti më i mirë, por në fakt, ju e shprehni dashurinë dhe prekeni kur ju lëndojnë. Pranimi i emocioneve është gjithmonë rruga e duhur.

Jeni fansa të dasmave

Vdisni të merrni pjesë apo të planifikoni dasmat, sepse për ju, është hapi më i rëndësishëm i dashurisë.

Dheee, nuk jeni fansa të kufijve

Të qenit gjithnjë pranë të dashurit/ës, kryerja e telefonatave, 200 pyetje…Po, po ju përshkruajmë juve…

Do braktisnit gjithçka për dashurinë

Nëse bëhet fjalë për të kënaqur apo surprizuar shpirtin binjak, do të anulonit planet, udhëtimet dhe gjithçka që ju pengon t’i tregoni atij/asaj sa shumë e doni.

Artikuj të sugjeruar:

 

MOS I HUMBISNI