Një nga këshillat klishe që dëgjojmë nga vajzat për vajzat në fazë njohjeje, takimesh apo fillim romance është "bëji të vështirën". Ideja se duke bërë të vështirën do ta bëjë personin përballë të përpiqet më shumë, të na dojë dhe dëshirojë më shumë, na ka shoqëruar për shumë gjatë, por edhe nëse është e vlefshme a ka ndonjë mënyrë tjetër përveç kësaj?
Të bësh të vështirën shpesh kërkon të dalësh nga vetja, natyra, ndjenjat e tua dhe të sforcohesh kur në fund të ditës gjithçka do është që personi të të njohë për atë çfarë je. Ç'mendojnë gratë për këtë?
1.
"Burrat janë gjuetarë. Në momentin që preja bëhet e thjeshtë, ata humbasin interesin. Ne duhet të bëjmë të vështirën, gjithë kohës."
2.
"Shiko, ka histori nga më të ndryshmet. Kemi dëgjuar edhe gra që kanë thënë: 'E di që ky do të jetë burri im' - kanë bërë seks që në takimin e parë dhe në fund ka ndodhur fiks ashtu, ai u bë burri i saj."
3.
"Ne thjesht duhet ta marrim shtruar. Duke e marrë ngadalë dhe shtruar gjëja bëhet më e thellë dhe më e vlefshme për të dy nga partnerët."
4.
"Më e mira është të jesh vetja, por në versionin më të vështirë tëndin."
5.
"Ne s'duam të dukemi sikur jemi gjithmonë gati për ta dhe s'merremi fare me veten. S'duam të dukemi të ngjitura, por patjetër që vjen një moment që kjo lojë s'ka më kuptim. Ekziston një e mesme e artë që duhet ndjekur."
Po vetë burrat ç'mendojnë?
1.
"Boll të vështirë e kemi pasur jetën, prandaj iu lutemi grave të jenë të sjellshme me njerëzimin dhe të mos bëjnë të vështirën."
2.
"Nëse ajo bën të vështirën, nuk ja vlen të përpiqësh shumë."
3.
"Mendoj që duhet ndjekur një pozicion i mesëm. Shumë e vështirë, unë do heq dorë, shumë e lehtë, do zhgënjehem. Balancë."
4.
"Unë s'mendoj se duke anulluar një darkë në minutë të fundit ajo po bën të vështirën. Po tregon thjesht se është e pasjellshme. Disa zonjusha bëjnë të vështirën dhe luten me vete për të gjetur një bashkëshort po atë natë."
Përfundimi?
Duke bërë "të vështirën" mund të krijosh probleme të ndryshme në komunikim siç është manipulimi, mungesa e reciprocitetit, lojërat e lodhshme sipërfaqësore, rritje pasigurie, etj. Në fund të ditës, të qënit i hapur dhe i sinqertë mbeten esenciale në një marrëdhënie romantike. Balanca është gjithashtu e vlefshme pasi edhe sinqeriteti pa filtra apo të qënit i hapur përtej limiteve vjen me kosto. Çfarë do t'ju shpëtojë ju dhe personin tjetër është takti dhe mënyra sesi silleni.
Ndonjëherë duke bërë të vështirën thjesht për të parë reagimin e tij mund të keqperceptoheni. Partneri ka gjasa ta interpretojë sjelljen tuaj si refuzim dhe "vështirësia" kthehet në bumerang. Të jesh selektive është diçka, të jesh e tërhequr fillimisht dhe jo 100% vetja është diçka tjetër, por asnjëra prej tyre s'duhet të ngatërrohet me "të qënit e vështirë".
Në afatgjatë, roli i të "vështirës" perceptohet goxha fëmijënor për një marrëdhënie të ardhshme e të shëndetshme, sidomos nëse nuk ruhet balanca.
Burimi: Psychology Today
