Fansat japonezë të "Stranger Things" tani mund të shijojnë një kafe nën energjinë e detajeve të serialit të famshëm dhe meloditë retro të viteve 1980. Siç e lexuat, në Tokio është hapur një bar i frymëzuar 100% nga seriali horror i Netflix.
"Stranger Things" është në krye të listës nga 10 serialet më të pëlqyer në Japoni që prej daljes së sezonit të katërt në maj. Si duket një bar-kafe e frymëzuar nga tyre?
Brenda tij ka imitime të vogla të dyqaneve dhe detajeve të tjera që shfaqen në serial, i cili u xhirua në qytetin fiktiv të Hawkins, Indiana. Atmosfera e kafes, ngjyrat e ambjentit dhe çdo detaj tjetër të kujton menjëherë personazhet dhe ndodhitë e tyre të mistershme.
Vizitorët mund të bëjnë fotografi pranë në shumë kënde të lokalit ku janë vendosur përbindëshat identifikues me "Stranger Things" dhe sigurisht që kënga që përsëritet më shumë është ajo e Kate Bush, "Running Up That Hill".
Ata që duan të konsumojnë diçka për të ngrënë mund të porosisin pasta në formën e kokës së mostrës së serialit ose Waffle-in aq të dëshiruar nga Eleven.
Për të reduktuar përhapjen e Covid-19, bari i kërkon vizitorëve të rezervojnë para pasi lejohen vetëm 20 persona brenda 1 ore. Eshtë traditë e vjetër e Tokios të ndërtojë të tilla restorante dhe kafene duke nisur nga kamerierët e veshur si ninja e deri tek pjatat e servirura me shumë fantazi brenda.
Burimi: CNN
