Blero dhe Afrona kanë zgjedhur të mos komentojnë publikisht, por thashethemet nëpër portale, përgjigjet e sikletshme të Bleros si edhe intervista e babait të këngëtarit (i cili u shpreh se mes tyre ka një krizë), vërteton se raporti mes tyre nuk është si më parë. Thënë kjo, postimet e fundit në rrjete sociale duket sikur thumbojnë njëri-tjetrin, por mund të jenë edhe thjesht rastësi.
Afrona feston 30-vjetorin dhe në një postim shkroi: “Gëzuar për një fillim të ri.” Mbishkrimi padyshim mund t’i referohet kapitullit të ri – pra, të 30-at. Apo jo?
Vazhdojmë. Në një shprehje të shpërndarë në Instagram Stories, shkruhet: “Sa më shumë rritesh, më e qetë bëhesh. Jeta të përul kaq thellë. Ti kupton në sa budallallëqe ke humbur kohë.”
Nga ana tjetër, Blero shkroi: “Mosmirënjohja është monedha e zakonshme me të cilën njerëzit paguajnë…”
Sipas Prive, shkak për ndarjen e çiftit u bë distanca, pasi që prej fillimit të marrëdhënies, Blero dhe Afrona jetonin në vende të ndryshme dhe këngëtari s'u zhvendos kurrë në Zvicër, siç pritej të ndodhte pas kurorëzimi.
“Unë Instagramin tim e kam biznes; nuk e kontrolloj unë, e kontrollon kompania dhe ata mund të bëjnë çfarë të duan,” u shpreh Blero në “Shqipëria Live” kur u pyet pse kanë hequr njëri-tjetrin nga Instagrami dhe kanë fshirë të gjitha fotot dhe dedikimet. Blero nuk u bë kurioz se pse kompania hoqi nga Instagrami gruan e tij?!
Ata u martuan më 21 shtator të 2019-ës, përmes një ceremonie të mbajtur në plazhin e Ranës së Hedhun, që bëri jo pak zhurmë.
