*
Zyrtarët ukrainas dhe rusë raportuan bombardime pranë termocentralit bërthamor Zaporizhzhia, më i madhi në Europë dhe të dyja palët vazhdojnë të fajësojnë njëra-tjetrën. Një zyrtar rajonal nga Rusia tha se 25 sulme të rënda artilerie nga obusët M777 të prodhimit amerikan kishin goditur pranë uzinës dhe zonave të banuara. Ukraina tha se ishin forcat ruse që kishin bombarduar qytetin në përpjekje për ta bërë të duket sikur ishte Ukraina ajo që po e sulmonte atë.
*
Presidenti i Ukrainës, Volodymyr Zelenskiy, ka i kërkuar botës të mos "e humbasë nga terrorizmi" ose "të dorëzohet para shantazhit bërthamor... “Nëse veprimet e Rusisë shkaktojnë një katastrofë, pasojat mund të godasin edhe ata që heshtin tani”- u shpreh ai gjatë fjalimit të fundit.
*
Tre civilë u vranë dhe dy u plagosën nga një mjet shpërthyes teksa po notonin në Detin e Zi në rajonin jugor të Ukrainës, Odesa. Njerëzit që punonin në një kantier ndërtimi thuhet se injoruan barrierat dhe shenjat paralajmëruese në një plazh në distriktin Belhorod-Dnistrovskyi dhe shkuan të notonin në det. Tre burra të moshës 25, 32 dhe 53 vjeç ndërruan jetë e ndërsa një burrë dhe një grua tjetër përfunduan të plagosur.
*
Ushtria britanike po trajnon 10,000 ushtarë ukrainas në qitje, ndihmën e parë në fushëbetejë, etj. Trajnerët britanikë synojnë të kthejnë rekrutët e rinj në ushtarë të gatshëm për betejë brenda disa javësh. Grupi i parë mbërriti muajin e kaluar dhe tashmë është kthyer për të rimbushur njësitë e varfëruara të Ukrainës. Kanadaja, Holanda, Zelanda e Re dhe vendet nordike kanë dërguar gjithashtu trajnerë për të përgatitur luftëtarët e ardhshëm.
*
Administrata e emëruar nga Moska në rajonin Kherson të Ukrainës planifikon të mbajë një referendum më 11 shtator, sipas burimeve të Kremlinit. Referendume janë planifikuar gjithashtu në tre rajone të tjera të Ukrainës - Donetsk, Luhansk dhe Zaporizhzhia - ku Moska synon të aneksojë territoret dhe t'i shpallë ato si një rajon i ri i Rusisë.
Burimi: The Guardian
